銅鑼灣 Delay no Mall 結業後改咗做食市，地下係鼎太豐，二樓係富聲魚翅酒家，鼎太豐已經食過，所以今次同兩老去富聲試吓。
11點去完教堂就上去，因為早所以比較小人，魚翅是上等食材所以魚翅酒家啲價錢一樣上等，同利園差不多，小點 21 中點 26 大點 29 小食 60，同樣無特別優惠但送咗糖水，都OK。
前菜...........食咗一半致記得影..............
花膠絲鮮竹卷
煙鴨胸魚肚扎.............魚肚好大舊................好味.......
淮揚素菜飽
荷葉糯米排骨
京蔥米紙蝦筒
脆炸蟹粉春卷
幾多蟹粉.............
瑤柱肉心釀魚角.............釀魚片頭...........一般............
脆皮西米布甸卷..........西式做法...........好好味..........
送糖水..........紅豆沙、湯丸、楊枝金露
今餐盛為..........$291.00.........早茶都算貴，大致都算好味，可以再來。
昨日終於買咗部新電視.........37" Samsumg Full HD idtv，為咗買佢行咗好多次都決定唔到，本來細佬話平平哋4仟幾買部大陸做日本牌子 Creation Full HD 又有錄影就算，不過真係有d驚......唔知佢可以用幾內，只係一年全包保養，其后兩年只包人工。之前試過買ACL DVD 錄影機，過咗保養就壞而且比錢都無得整。
今次決定得咁快我覺得都係個 Sales 好勁，可以比到信心個客，又好忠懇分析，當然價錢比其他平.........原來大型連鎖店比其他d AV shop 貴好多，差 700-800，而且個店員都講得對，有d 新 model 多咗 d 你唔會用的 function.........當然要貴d是否值得，有d sales 見你想買 37" 就話不如睇吓d 40" 新d 又大d...........其實應該買間大d 屋先，首先要睇你要求............我好簡單.........就係比兩佬睇電視，仲係大牌子有三年全包保養，算啦..........就買咗佢，而且今日送貨安裝， services真好。
兩佬都不知幾開心.............仲話個電視好大............今晚有新電視睇...............
做咗嘢都廿年有多，都見過好多人，但這幾個月先見識到什麼是名副其實的刷鞋仔，之前都有同事講過佢，都唔係好信..................有D人一直同你好似好 friend，但原來唔係，叫佢做嘢時就話不是他負責，唔做就唔做，但其實我哋都係依本子辦事，有問題應該自己向上頭反映，點都唔應該向同事發脾氣。點知上頭反來，唔單止無表示不滿，仲刷鞋刷到出哂面，唔單止叫佢做嘢立即做 (上頭叫)，連未叫都問做得未。真好笑..........唔通上頭放假就連佢都想一齊放。其實咁做都好傻，佢對其他人發脾氣都無用，只會令其他人對佢不滿，而且有D人仲會成基向老細打小報告..............我想連佢自己都唔知............仲同人懶 friend。
其實只係刷一個人鞋真係有用??????? 要這個人保佢一世.............真係得??????? 其實做嘢都係 Team Work 佢可能唔明................
其實自己啲EQ唔夠高，無辦法對無好感的人扮 friend，真係要好好學習學習。
好鐘意睇其他人寫的遊記，昨晚就看到個旅遊 blog 係去韓國玩，好想去..........韓國未試過自由行(上次去是跟團去滑雪...........都好幾年前了)，因為唔識韓文，啲O人十總覺得好難明，怕唔識坐車唔識食嘢，但今次睇完個 blog 發覺一啲都唔難去，巴士/地鐵啲指示原來好清楚，好多食店都有伙計識國語 (原來好多韓國人識講國語) 唔怕唔識叫嘢食，而且仲有好多地方可以去，例如........坐南山纜車上山頂睇晚景..........去 Teddy Bear 博物館...........海鮮市場食海鮮(有長腳蟹食仲係即買即煮)...........明洞 shopping.............浸溫泉..........好豐富的行程，佢哋都係楂住本天書就 OK。
但係今年已經安排咗要去好多地方.....................
農曆年大細妹會去夏威夷，叫我哋一齊去，但因為過年...............細細妹話最好我在家主持大局，而且大節我都好想留在家過節，所以都係唔去，大細妹都好失望，佢仲 book 咗個 two bedroom 的 Resort，有啲浪費。 其實都好想去，因為夏威夷真係好好玩，陽光海灘我最鐘意，不過算啦..........都已經去過兩次。
4月復活節細佬會去北京攪比賽，有免費住宿又係紅色假期，07年去的時候好多地方都正在反新(奧運前)，又未有鳥巢同水立方所以應該會去睇吓。
5月細佬會去 Las Vages 開會，佢會 book 個 resort 住，本來都好想去，但機票實在太貴............要 $12,000.00 (沙士那年去 package 都係5仟幾) 而且仲要請 6日假，都係唔去。
8月細佬又去杭州攪比賽，我未去過杭州，而且杭州好近上海，可以順便去睇世博又可以探 Doris，就上去玩吓啦!!!!!!!
12月頭應該會去北海道，因為我同細妹啲 Asia Miles 夠分可以換日本機票，佢未去過日本又想睇雪，所以決定年尾會去走一轉(希望 book 到位) 。
想去的地方實在太多................年假得14日..............人工又唔多 (玩真係要洗好多錢)................，如果有錢又有時間就好，想去邊就去邊，幾時去就幾時去，你話幾好..................我想要去韓國應該要等出年了........................。
灣仔海旁倒數................迎接2010年
本來約咗筠女去灣仔海旁倒數，可惜佢 11:50 先可以收工，趕唔到睇 IFC 放煙花........來到已經放完，只可以在的士上看..........真可惜................
新一年希望大家身體健康.............世界和平.............無災無難................
Happy New Year
之後同亞女再影吓相就回家，佢約咗成班中學同學上來開 party，真係睇住佢哋大..........form one 到依家..........個個都已經係大人了。
不過點幾鐘先齊人，玩到天光先走..............好在無比人投訴..............以下是為她們準備的食物
兩點幾要瞓...............後生真好..........咁夜仲咁精神真係唔洗瞓..............新年快樂................good night............
