潮庭 - Cat Happy birthday

亞Cat 慶生，祝佢心想事成，青春常注，開開心心

冬日購物節

今年冬日購物節大出血，買咗好多嘢

德興晚餐 - Mum Happy Birthday

亞媽生日，今次無去稻香試下德興，由於只係得8個人所以叫咗半圍再加兩個餸

2013 Christmas

亞妹生咗亞B之後，聖誕節例排都會去影燈飾，今年好興鴨仔

大食會

細妹同事新居入火，亞妹買咗隻乳豬同佢慶祝，叫埋我上去食餐勁

Christmas Lunch

公司請食聖誕午餐，秋田有Set lunch 送自助頭盤，幾低食

頭盤有兩款魚生、壽司同前菜，其實齋食頭盤都飽但加多10蚊就有主菜，咁當然唔執書，叫咗蒸和牛、雞排同青魚

撈起

今年冬至攪攪新意思整咗個撈起， 大家都好鐘意。

上網搵食譜，見到有個食譜個汁係用蘇梅醬幾特別就試下，唔錯，個個都好鐘意，但即時唔記得寫低過咗幾日細佬問返點整，諗住上網再搵但可惜已經搵唔到，因為 Yahoo blog close 咗......只好憑記憶記低，材料應該無錯但份量就......

撈起其實可以用好多嘢撈的，我今次用咗大家好鐘意的三文魚生...

材料: 三文魚生、青瓜、火腿、紅椒、黃椒、甘荀、海蜇絲、蛋絲

汁醬: 蘇梅醬 3 湯匙、生抽 1.5 湯匙、蘋果醋 1.5湯匙、糖 1 湯匙、麻油 2 茶匙、麻醬 1湯匙

所有材料切絲，今次好在有細細佬係道，佢係廚師切嘢無難道，仲切得真係好絲....讚.....，切好排係碟上 (細佬切完啲菜都用冰水浸浸先，佢話好食啲喎)，食時把醬汁放上大家一齊撈勻即可。

冬至晚餐

冬至晚餐....例排9餸1湯，今年攪攪新意思整咗個撈起， 大家都好鐘意。

Gmarket Dec 2013

Gmarket 買上癮....唔係我呀，係個朋友，妁經常美國香港兩邊走，試過后同雪花秀啲sample 話好正，所以 order 咗一批，攪到我又隱唔住.....

牛角

又帶兩老去試文新嘢，日式燒烤 “牛角” 係台灣食過唔錯，香港都有分店就去試下，第一次去等唔到位，今之6點半就到都差不多 full 哂，仲要2個鐘交枱，都ok 啦.....

匯豐卡有優惠，叫咗個2人餐再加咗3個半價伋食品，4個人都好飽...

Pizza Hut

今日本來亞妹想帶我哋去 Times Square 間 School Food 試下，點知亞囡唔鐘意，佢啱啱食過，佢話要食芝士火鍋，見 Pizza Hut 賣廣告就去試下，點知原來唔好食，之前食過意粉屋個芝士火鍋好食好多，但其他都不過不失，Pizza 當然最好食

北京樓 - Thanks Veven & Cat

今年10月好忙，細佬結婚亞妹回港，所以約朋友食生日飯都要等10月先有時間

今次 Veven 同亞 Cat 請我去北京樓食，可惜3個人食唔到片皮鴨，不過其他餸都好好味，Thanks Veven & Cat

機場美心

今日亞妹胎妹夫要返多倫多，3日星期咁快就過咗，佢哋下午4:30機我哋11:30就出機場，妹夫好心急，因為佢哋上網做唔到online check-in, overbook 得太利害全機得兩個位淨仲隔鬼死咁遠，未夠1:00就到機場 Air Canada已經好多人排隊，明明早咗4個鐘架! 排咗好耐check-in 完都係無相連位要到閘口等空姐幫佢哋換位，亞妹一肚氣加埋今朝都無食早餐，妹夫就請我哋去美心飲茶，都未試過係機場飲茶，好小有咁多時間，食物都唔錯但真係幾貴，7大1B飲咗8百幾，真係多謝Adrian

希望亞妹妹夫多啲返嚟啦， Bye Bye....一路順風....

Wine & Dine Festival 2013

昨日剛剛由台灣回港，明天亞妹就要返加拿大，今日本來都想同亞妹去大澳行下睇下水鄉，但實在太攰，而且亞妹仲要 shopping 所以無去，中午同佢去完莎莎買嘢，黃昏時細佬話不如去美酒佳餚巡禮，話哂都算係香港盛事，妹夫同亞妹都幾鐘意

高雄、墾丁、花蓮、台北 7日開心之旅 2013 - Day 7

今日係台灣之旅最後一日，由於時間唔多又帶住兩老所以都唔去得遠，就咁行下街食下嘢就算。

台灣真係好多人嚟，上機前亞妹好友同我哋講佢都去台北，仲係昨晚夜機，大家都住西門町，咁就約咗今早食個早餐先，台灣地道早餐

高雄、墾丁、花蓮、台北 7日開心之旅 2013 - Day 6

酒店包自助早餐，唔算豐富但都ok架

高雄、墾丁、花蓮、台北 7日開心之旅 2013 - Day 5

今日7點就起身，一早就去浸溫泉，但原來早上毛得一個池可以浸，其他啲都係凍水，佢哋話剛剛洗完池喎，咁又真係見人洗緊地

高雄、墾丁、花蓮、台北 7日開心之旅 2013 - Day 4

今日第4 天，細佬們今天要走，佢哋唔會同我哋落台東。

食個早餐先，仲有白粥、白飯同咖啡

高雄、墾丁、花蓮、台北 7日開心之旅 2013 - Day 3

今日出發住墾丁，我哋租咗架9人車開始4天自駕遊

今次同艾維士租車，我哋要甲租乙還咁啱佢又有9人車，仲係韓國車，租3日半高雄取車花蓮還台幣13700都算合理，租車公司會開部車嚟酒店交收，唔洗我哋走去佢公司攞車，你知人生路不熟都要花啲時間去搵佢哋，所以送到嚟酒店就最好，佢哋仲入滿個油箱，還車時入返滿比佢哋就得，仲包GPS 同兒童增高坐位，架車都幾靚仔.....坐位好闊仲可以放4個28吋唿、1個21吋、3個旅行袋同一架B車

高雄、墾丁、花蓮、台北 7日開心之旅 2013 - Day 2

27/10/2013......Day 2  高雄

今日行程......旗津港 、新堀江、六合夜市

由於有老有BB今次行程都好休閒，先食咗酒店提供的早餐， 自助早餐十分豐富

高雄、墾丁、花蓮、台北 7日開心之旅 2013 - Day 1

26/10/2013......Day 1  香港 - 高雄

細妹回港參加細佬婚禮，特別安排咗個大旅行，今次行程包括高雄、墾丁、花蓮、台北。

今日早機， 一行9人7:30 機場集合坐 9:00 機飛高雄

check-in 完去咗機場候機室食早餐，好難得飛機無 delay

飛機餐係抄麵.....麻麻....

泉章居

今年生日大細妹係加拿大返嚟，咁就全家人出街食餐飯，我簡咗泉章居，好耐無食喇

今日切第二個蛋糕，多謝二細妹個蛋糕，仲要多謝大細妹支 Ice wine

秋田

多謝秘書同事為我慶祝生日

半島酒店 candle night dinner - Thanks Ruby

今年生日第一個同我慶祝的朋友係 Ruby，佢仲咗半島酒店食晚餐，我咁大個女去未去過半島酒店食飯，好多謝佢精心安排為我慶生

環境真係唔錯，service 又好

今日食 3 course meal

麵包好好食

頭盤

主菜

甜品

仲有餐茶

多謝 Ruby 帶我去見識見識.....原來半島都唔算好貴，3百幾個set 都幾低食，依家食個晚餐都要2-3百落樓，依家仲可以係超5星級酒店食 candle night dinner，Thanks Ruby, my best friend.......