梅酒

浸咗一年的梅酒終於開瓶試飲喇, 家人評語都係話有梅香味, 但酒味比較濃, 可以再放耐少少先飲......

見家人唔係太欣賞, 就帶一小樽去好友家中試飲, 得出評語大家都覺得好飲, 梅香味濃, 甜度亦剛好, 係家人要求太高定係佢哋根本唔鍾意梅酒???

多謝好友們支持........

稻香晚飯

亞妹見稻香晚市做特價, $99 - 一條魚加一個燒味併盤, 好低喎, 又出動去試吓

個併盤食完先記得影喎

6 人晚餐5佰幾, 真係幾低

flower show 2013

一年一度花展又舉行, 星期日飲完茶同亞B 去行吓, 人超多, 天氣又熱, 又要揍住亞B都唔系影到幾多相, 通常都系影我哋個小 Model.....

明記

亞妹見稻香出新優惠了孖寶套餐, 本來想去試, 點知 full booking 無得食, 所以去咗後面街市裡面明記食, 好埋無嚟水準都唔差, 價錢又合理, 4 人叫咗5個餸5個飯埋單盛為 $381

合成糖水

食完泰國菜順便去食潮州糖水

亞囡的芝麻湖

老豆的綠豆沙湯圓, 湯圓超好味

我的蓮子雪耳清心丸

亞媽無食, 三個糖水都要82大元, 超豪糖水店

金寶泰國菜

星期六無煮飯,亞囡話帶我哋幾個老人家去食好好味的泰國菜

咁就去咗九龍城金寶泰國菜館

招牌醬爆蝦圓

真系爆醬嫁, 好味....

食后感: 食咗540蚊, 一般泰國菜, 唔知點解會咁多人排隊, 生蝦同蝦圓都好味, 其他都ok, 但下次應該唔會咁遠坐車嚟食喇......