公司團年

通常年三十亞姐都會請食飯當團年，今年特別啲食日本菜

團年飯

團年飯例排 8 餸 1 湯，加多個湯圓....團團圓圓....

鮮准山炒蝦仁

今日買咗啲鮮准山諗住年三十晚煲花膠响螺湯，點知唔小心趺哂落地斷開一碌碌，只好食咗先再買過啲煲湯!!!

雪柜有蝦仁，仲落咗3粒搖柱，好味啲

材料：鮮准山、蝦仁、搖柱、紀子、白果

注意 - 准山去皮時要帶手套因為會手痕癢

做法：

蝦仁先用鹽、胡椒粉醃好，跟住拖水備用(想健康啲所以唔走油)

下油先炒准山、再落搖柱、白果、紀子快炒，加搖柱水煮一陣，下蝦仁，落鹽、少許糖、雞粉、麻油調味......

年糕

今年細佬結咗婚，所以蒸糕都蒸多咗，隨咗自己食仲要送兩個襯家，總共蒸咗8 底

年宵

過年行年宵是指定節目，人十分多好有過年氣氛

青衣公園 - 紅葉篇

報紙大賣香港紅葉，先知到青衣公園原來都有紅葉睇，見好友們都不斷 whatsapp 啲相當然都要親自去睇睇，但由於當日帶亞B一齊去所以都無時間影相，只是隨便影咗幾張。

好友聚會 - 合江小廚

這間酒店日日返工巴士都經過，但都未試過，今日一班做 gym 的朋友好耐都無聚會，約咗去這裡試試，食川菜...有啲辣，味道唔錯環境清淨......

除夕晚餐

今年除夕十分凍得10度，雖然維港第一次放除夕煙花，但都無出去睇，連亞囡都無約人，咁就係屋企整大餐，冬日購物節買咗好多嘢整啲嚟食先