瑪莉: 11月 2012

2012年11月25日星期日

源記甜品

久違了的源記甜品, 記得第一份工係系西環做嘢, 每日都經過正街, 但真系好少去食這間糖水舖

今日本來同兩佬上海味街行吓, 原來星期日好多海味舖都唔開門, 咁就同佢哋去嘆吓糖水

叫咗合桃露同桑寄生蓮子蛋茶, 好味好味, 不過就貴咗少少, 要 $28 一碗糖水, 唔可以經常食.

2012年11月24日星期六

Spaghetti House - 芝士火鍋

星期六......又系無人番嚟屋企食飯, 咁又帶兩佬去威, 今次試吓芝士火鍋, 兩佬唔知芝士原來可以做火鍋, 當然系未食過,

今次只系叫芝士火鍋跟法包, 無叫個餐, 以免兩佬食唔慣, 而且本人都系覺得其他肉類同菜類點芝士火鍋麻麻哋.........都你點包包同貝類最好食.......

亞媽怕油所以只係食咗幾件, 但佬豆出奇的鍾意食, 仲食到唔停得口 (laughing)

仲叫咗個龍蝦二人餐, 有龍蝦湯、頭盤、龍蝦意粉同牛尾意粉

今餐 $640 埋單, 好合理唔算貴.....

2012年11月21日星期三

知道佢送本100頁相簿比我做生日禮物其實唔係好鍾意, 因為100頁真係要做好耐, 最少最少要upload 100張相, 仲要 design.... 寫字...., 而且本相簿仲得3個星期就到期, 本來想唔要, 但又好似好哀, 佢都買咗! 維有加快腳步去做.......

相簿主題依然係 Holiday.....2010年之前的已經系上一本相簿做過, 今次由2011年開始, 放得最多相係剛剛去完英國啲相, 其他仲有去高雄、泰國、韓國、澳門等等......

今日收到製成品, 好靚....當然係我做得好靚啦, 簡相又簡得靚, design又好, 好鍾意, 仲有這間公司製作用料都好好, 好過上次 photobox, 下如果再有團購可以考慮考慮, 不過出年如果想再送相簿比我的話, 都係問一問我先好啲........

但系都要多謝亞妹今年的生日禮物.......

2012年11月18日星期日

鹽焗烏頭

亞媽買咗條大烏頭, 就試吓整鹽焗烏頭.

首先張烏頭洗淨不需打鱗, 魚肚放薑、蔥、檸檬片, 魚身灑少少胡椒粉, 再鋪滿鹽入爐焗35分鐘即可....出爐去鹽起皮, 味道都唔錯, 下次試吓加香茅包錫紙焗烏頭.........

2012年11月17日星期六

又打邊爐

冬天最佳美食, 打邊爐全家都咁鍾意, 上星期打完今日又打

PhotoFancie2012_11_17_18_40_19

2012年11月11日星期日

迪士尼 2012

細佬朋友有特價迪士尼門票就同姨外甥仔去玩吓, BB 係唔洗入場費, 但系就3個大人陪佢去, 原來帶一個 BB 去迪士尼系好攰嫁, 好在我哋3個大人去, 我同細佬一人一個背囊......熱水、涷水、奶粉、奶樽、水杯、尿片、紙巾、衫褲..........雖然有BB 車, 但除非你唔玩遊戲, 因為一排隊你就要拍底嫁BB 車, 咁你就要抱住 BB, 背住背囊.....真係唔講得笑, 好在都玩得幾開心, 下次要同埋細妹、妹夫一齊去, 咁就唔洗咁攰喇.....

已經有聖誕樹

入去獅子王劇場係要抽獎, 可惜唔中, 無 Galaxy Note II......可惜......

找尋 BB 車遊戲.......都要花少少時間嫁.....

BB 好開心

2012年11月8日星期四

放工燒嘢食

今日放工同亞妹啲同事去瀑布灣公園燒嘢食, 一行20人的專業燒烤團, 主題係乳豬......亞妹公司個大廚同個燒味舖借埋支义, 等我哋可以燒番熱隻豬先食.....

開咗兩個爐.....一個燒烤....一個火鍋.....間日燒嘢食真好, 唔多人, 今次仲可以包場....

主角出場.........

正....正...正....

5點幾燒到9點鐘走人

Gmarket Nov 2012.........護膚品篇..........

今次專登係買 "雪花秀" sample, 朋友話 "后" 都幾好, 依家韓國好興喎, 咁又買啲眼霜試吓....

今次唔小心 order 錯咗個 item, 人參面霜 order 咗乳液, 仲以為係佢哋執錯真係唔好意思, 下次要小心啲.....

試用咗兩日 "雪花秀" 覺得好潤, 以這個價錢真係好抵......