功德林上海素食

好耐無同巴士 friend 食飯, 自從佢結咗婚都無係巴士見到, 今次出來是因為佢要轉工, 咁以後連係 toilet 相見都無機會,  有點傷感但都好高興佢可以搵到份新工, 希望佢工作順利, 唔好好似依家咁忙, 可以開始計劃另一個人生目標.

新玩意

好想買部可以自拍的相機, 睇咗好耐, 一直都希望 CANON 快啲出自拍機, 點知等極都無, 終於決定買 SONY, 有咗這部自拍機獨行俠去旅行時就唔洗咁麻煩.

西環德記

好多人都話德記潮州菜好食, 今日叫亞囡同學幫我 book 位, 5 個人叫咗6樣嘢, 埋單 $499 都合理

武漢櫻花遊 day 5.....紅樓 = 辛亥革命紀念館

Day 5 - 27/3.....

last day 係武漢, 今日坐兩點幾車, 早上就近近哋去辛亥革命紀念館行吓, 食番之前食過那間早餐 RMB18...每人9蚊雞

武漢櫻花遊 day 4.....長江大橋

話說去完博物館我哋就諗住去吉慶街食 lunch, 路程都幾遠, 要過長江二橋, 車費 RMB29, 去到有啲奇怪咁少人, 司機話到咗...吉慶街晚上先熱鬧喎....又唔早講, 仲以為好似戶部巷咁多小食檔添, 原本全部都係食店同酒吧

武漢櫻花遊 day 4.....湖北省博物館 / 湖北美術館

Day 4 - 26/3.......

今日行程系去湖北省博物館, 今朝無食酒店早餐, 酒店只送一份, 要買多份就不如出去食吓啲地道食品, 去返之前行夜市條街, 早上原來系行市, 有好多小店舖賣早點

武漢櫻花遊 day 3.....黃鶴樓

食完午餐就坐的士去黃鶴樓, 車費 RMB16

Paul Birthday

大細佬生日, 祝佢生日快樂, 身體健康......

武漢櫻花遊 day 3.....武漢大學

Day 3 - 25/3......

今日起身竟然無落雨喎, 天氣預告仲話今明兩日都落雨添, 咁就拿拿聲起身食早餐, 跟住去武漢大學睇櫻花.

酒店每日都有一份早餐送, 我哋昨日無食咁今日有兩張早餐劵, 佢哋又無睇日子, 咁今日唔洗另外買一份餐, 其實買一份早餐都系 RMB15, 不過唔洗比就最好啦.....

武漢櫻花遊 day 2.....東湖

Day 2 - 24/3 .......東湖

今日星期日本來無諗住今日去睇櫻花, 以免多人交通影相都麻煩, 今日行程只系去啲寺廟行吓, 所以就遲咗起身, 食唔到酒店早餐, 早餐原來9:30就完, 咁為有明天先食, 出街睇吓有什麼早餐可以食先, 行去巴士站睇睇, 原本都有好多選擇, 見到這間快餐都好干淨, 又多選擇就試吓先.......

武漢櫻花遊 day 1

5月尾有3日半假要放, 本來想4月尾同亞妹去土樓, 但咁啱見到4 月武漢有櫻花節, 計一計數坐高鐵5天遊唔洗$3000, 就決定上去行吓, 可惜亞妹唔能夠同行, 好在好友 Ivy 能夠抽空陪我, 唔係今可能就要獨行俠......

23/3 出發日

約好 Ivy 8點上水等, 經落馬洲轉深圳地鐵去深圳北火車站, 過咗落馬洲境仲買咗52蚊神洲行增值劵, 之前問同事借咗張電話上網卡, 全程5日都系用咗20蚊到, 原來只系用 whatsapp 系好平嫁, 下次都要買過張可以上網的大陸卡先得......

9點就到達, 我哋一早就買好10點車票, 要多謝細佬幫忙, 早10日前就幫我哋系羅湖火車站買飛, 因為高鐵車票要實名購買, 所以一早預備好回鄉証影印本比細佬, 好順利就可以買到, 不過系代售點購買要比5蚊手續費一張車飛.

深圳北火車站好大好新仲好靚, 入高鐵站要對車票, 排咗幾十人隊, 對票員可能見太多人對對吓都無對, 就咁就可以入站, 上車入閘都無對名嫁, 等我哋仲攞定回鄉証添......

路過

銅鑼灣行街街見到好多人影, 唔執書影叔返張先....