星期六陪亞媽上深圳做衫，又去小肥羊打邊爐，依慣例唔係食寶發就係食佢，今次第一晚食咗寶發，第二晚食小肥羊。
6點就去攞位，次次6點幾去都要等到7點幾，所以今次早啲。
滋補清湯低
羔羊片都係¥22
魚頭¥18
黃金大餅 ¥15………細佬致愛……..，人多先可以食，因為真係好飽。
第一次食羊肉丸........幾得..........
羊毛包…….亞妹想試。
仲有好多唔記得影相，4個人食咗 ¥232 食唔曬，係香港 double 都唔得………超值……….
2010年4月20日 星期二
深圳平民午餐………清真羊肉麵
平民午餐………清真羊肉麵
¥10羊肉泡饃 - 未食過泡饃.......原來係啲包切成小粒再放湯，都幾特別而且好飽肚。
¥10羊肉湯
¥6牛肉拉麵
食後感：幾蚊碗麵基本無要求，但這間的確做得唔錯，羊肉湯羊肉好淋，整體算好味。
北京之旅 2010 - Day 5 - 雍和宮 - 孔廟 - 國子監 - 秀水市場 - 機場
Day 5 – 6/4/2010
今日是最後一天，好似好多地方想去又去唔到，例如: 長城、西單、三里屯酒吧街，仲有三里屯有好多地方未行過..............
今日plan咗去雍和宮，一早起身亞女竟然唔舒服，之前都有啲感冒今日仲肚痛同肚瀉，最重要的是今次唔記得帶止瀉藥，所以拿拿淋食完早餐就去買，原本北京屈臣氏無藥物牌照所以無藥賣，而盛個國貿商城都無藥房，最返都要去到建外Soho先致有，所以亞女就只好忍痛去到雍和宮先至買藥食。
酒店房望出去的國貿商城
自助早餐要¥170一位，真係要多謝油周經理......
雍和宮地鐵站都好古色古香
一出地鐵站兩旁就有好多賣香蠟的商店，這李居明都打入大陸市場。
雍和宮門票設計都好特別，入場係隻Disc要過 Barcode唔知隻Disc有無嘢聽……
雍和宮是間喇嘛廟，有好多個殿堂。
喇嘛做早課的地方
這個殿堂內的佛像有幾層樓高，由一棟白檀木所雕，從門口望入去都可以感受到有幾壯觀，可惜唔可以影相。
行完雍和宮過對面馬路就係孔廟同國子監
下馬壁 - 以前官員就在此下馬
孔廟是萬世師表孔子的地方，都有好多人來求學業。
孔子像
兩旁有介紹孔子生平的展覽
聽吓孔子講書
孔廟隔囄就係國子監，一張門票就可以參觀兩個地方，國子監是古代讀書同考科舉的地方，就好係依家的大學。
如果犯錯就要拉到這裡受罰
上課的地方
考科舉要考幾日幾夜，食同瞓都在這個格格裡面，好辛苦，考狀元真係唔易。
行到兩點幾就走，去秀水商場買啲嘢，因為之前同細佬的同事食早餐，見到Queenie買咗套絲絨運動服幾平(約¥200)香港賣$300，所以想買一套。
去到先在秀水對面找間飯店食Lunch，亞文包子
湯包都幾得，又平…….三個人食咗¥129……唔錯。
平民小食............都好多學生買...............
食完開始shopping，秀水賣嘢都一定要講價，見到想買的運動服 (可以當家居服)，開價竟然要¥290，仲貴過香港………走，佢就立即拉住你叫你試吓先再講，試完都幾合心意，再問幾錢……¥199，都貴……..走，佢就叫你還價……...吾….¥100，加啲啦……，好再加¥20……total ¥120，佢都話唔得………咁走啦，行咗四五個舖位佢就拉你返去……..好成交……¥120一套，今次是我講價講得最成功的一次，細佬都服咗我，其實自己都服咗自己………。
之後仲買咗個袋¥199講到¥50，其實係多口問價又隨口還價，點知真係賣，你話點解國內同胞咁有錢，佢哋真係好會做生意，less 75%仲有錢讚仲係一口答應，其實係冒牌貨都唔知會唔會用，鬼叫自己多口……..唔買驚會比人打………。
行到5點就行返酒店，因為周經理等我哋，佢會送我哋出機場，真係太客氣。
回程細佬超重，所以寄多一件行理，好在有我哋同行，如果唔係佢就要比附加費。
機場買的手信，這包艾窩窩幾好食。
飛機餐今次無生果，好在味道不過不失。
我要雞肉
亞女要牛肉
今次坐最夜一班機返深圳，到深圳已經11:30再坐A330出市區轉的士去皇崗，坐直通巴返灣仔再轉的士回家............轉到頭暈............差不多2:00 終於返到屋企..............其實都幾快，因為半夜唔塞車.................
旅程順利完畢……………..
後感: 其實北京幾好玩，有古老一面…….好多歷史建築，例如長城、古宮、頤和園、各式各樣的廟宇。又有現代化一面………例如: 三里屯……..就好似致身日本東京、798藝術區……..充滿現代創意、西單………購物天堂(可惜今次去唔到)、烏巢同水立方(今次無時間去影夜景)……….中國人的成就。真係可以再去再去同再去，其實都去過三次仲覺得下次可以再來。
訂閱：
文章 (Atom)