8 蚊碟

星期日無飲茶, 琳住去食元氣, 亞囡話佢同同學食過間迴轉壽司好抵喎, 就帶咗我哋去試吓, 聽見碟碟8蚊都無什麼期望, 點知都唔差喎, 可以再食.......

辣味八爪魚......

帶子......

海胆......



魚生飯.....無食....

甜品

三個人食咗22蚊合共$193.60

亞妹慶生.........Round three

亞妹慶生.........Round three

K-buffet

很久沒有唱K, 第一次黎銅鑼灣 CEO 唱 K-buffet, 問房好大有獨立廁所.....唔錯唔錯.......
6點半開始有得食, 緊係影幾張相先, 但只係影咗幾張職員就話唔準影, 無法啦!!!!!!! 不過真係幾多嘢食......有即做壽司、 即切魚生、熱盤....有蝦有蟹、冷盤.....有沙律凍肉、自助打邊爐、即焗帶子、燒牛肉 (好食過機場酒店)、甜品 (一般.......係叫貨的貨式)、自助茶水..........比美平價酒店的水準, 仲有歌唱都係 $220一個人.......抵 ! 抵 ! 抵 !

 

第一round........

之後仲不斷出新嘢.......最正係清蒸東星斑

最後一round .........打邊爐.......



食後感: 很久已前食過一次 K-buffet, 記憶中係食垃圾, 因為主題係唱 K 而唔係食嘢, 但今次食完完全改觀, 食物質素好過3星級酒店水準, 味道都唔錯, 仲有歌仔唱, 又可以玩到零晨5點, 下次想食 buffet 可以再黎..........不過一定要早去, 好嘢好快比人攞曬..........

追月深圳遊 - 新疆菜 "塔理木河"

行完書城就由少年宮地鐵站坐地鐵去科學館站食新疆菜 - 塔理木河

中信廣場後面, 科學館站D出口, 行過吉之島係同心路出口往前行到東園路就到

8點前仲有表演睇, 可惜太夜黎無得睇!

今日菜單

涼菜........涼粉 / 拍青瓜 / 蘿蔔皮

花卷炆羊腩.........羊腩好淋又入味

烤羊串

烤羊排............好味過小肥羊.........



清炒笋絲

埋單人民幣254, 四個人尚算抵食.

追月深圳遊 - 笋崗傢俬城

細佬一直都好想上深圳睇吓啲傢俬係唔係人哋講咁平靚正, 就陳追月日公眾假期上去睇睇.........

由於深圳好多地方都有傢俬賣, 今次先行笋崗, 由萬象城對面陽光醫院對出 "寶安南路站" 坐巴士去 "深圳人才市場站" 下車就到.

落車過對面就見到好幾座傢俬城.....

先行好百年, 全座的傢俬都好名貴, 這個床架要5萬幾人民幣, 中國真係富起來, 間房可以方得落咁大張床(香港無可能), 仲賣到咁貴!!!!!!

傢俬廣場竟然有人現場彈奏三角琴...........可想而知賣得起這裡的傢俬應該都好有品味.........

行咗兩層太貴! 過隔離幾座, 每座都唔同特色, 有平有貴, 最特別係好多歐洲宮殿式傢俬, 好靚........最適合係別墅式大屋, 可惜唔比影相!!!!!!   行咗個幾兩鐘發覺貴的可以好靚, 平的同香港 DSC 差不多, 買現盛又唔係買得多就無必要專程上黎買..........

跟住行過兩條街去 B&Q

又行咗盛個鐘.......之後坐的士反之前落巴士的地方行工藝品中心同文具批發, 行咗一陣就坐的士去少年宮個書城行吓, 由於放工時間比較塞車, 坐咗25蚊先到.  

行完就坐地鐵去科學館站食飯, 今晚去食新疆菜.