Gmarket 第一次購物, 今日收到貨了, 24號 order 27號韓國寄出, 今日就收到貨, 比預期中快, 無淘寶咁麻煩要自己做集運, 實物同相片亦吻合, 價錢亦唔算貴, (人民幣不斷升值嗎), 亞囡已經話要再買.........
同大家分享下實物同相片有沒有差別?
這間 shop 質料OK, 不過買大咗size, 一直以為韓國衫比較細件, 所以買咗一件 L 同 XL, 點知好足碼, L 還可以 XL 就太大了!!!!! ,要比亞囡......
這兩件滿意
這間都OK.....最滿意長身閃閃背心.......
本人好鐘意貓頭鷹, 所以買咗3條錬, 全部都好平, 由1900w-3900w
黑色手袋一個: 合乎預期....滿意......
以下是亞囡同細佬的:
今年復活節假期無出 trip, 除咗去教堂同幫亞妹睇BB之外, 仲成功係 Gmarket 買咗嘢, 之前見朋友介紹這個網站, 可以買韓國衫, 佢話經常買衫比兩個女, 啲款好靚又平, 啲料比掏寶好好多, 因為掏寶好多都係抄韓國款, 所以好想試吓買, 今次都係買啲平嘢試吓先, 幾十蚊件T-shirt, 幾十蚊個袋.......點知簡吓簡吓都買咗仟幾蚊! 以下係我個 shopping list..........
其中有兩件無貨, 有 email 通知你 cancel order, 啲錢就 refund 返去張 credit card, 所以 23 個 item 得 21 個有貨, 亞囡簡個黃色布袋無貨, 而我最想買件背心買唔倒 
今次 payment 有少少意外, 先用 credit card check-out 但試咗好多次都唔得, 次次都話 error, 要 refresh 個畫面, 放棄.......明天再試, 其實都覺得 Gmarket 個 website 都有啲問題, 之前簡嘢時經常都會出玩網站有入侵者, Google Chrome 會叫你明天再用.
最後都係用 paypal fast check-out, 好似安全啲, 唔洗係 Gmarket register 張 credit card 資料 (可能上次唔得就係無 register 張 card?), 不過就要比美金唔係比 Won, 好似個 rate 要高啲!!!!!
好了 pay 咗錢, 啲貨都送曬去 Gmarket, 24/6 落單 27/6 已經收曬貨, 9個 seller 都算好快, 今日就係韓國寄出, 都幾快.......希望快啲收到........遲啲 post 實物相同大家分享......
今年復活節無出trip, 之前三年都出外, 兩年係北京一年去咗多倫多, 所以身為天主教徒都無參與到復活節的慶典, 其實一踏入四旬期, 神父都經常提醒我哋要多加參與, 今年就做足一個基督徒的本份, 三日慶典全部都有參與.
逾越節三日慶典由聖週四開始, 主的最後晚餐......耶穌被心愛的門徒出買....
聖週五苦難日......今日要守大齋, 全日都只係食咗白粥, 早上去了拜苦路, 下午就參加咗耶穌苦難紀念彌撒.....耶穌受審判、定罪、被處死......, 仲以維唔係好多人, 因為拜苦路都係ok多人, 點知真係坐無虛設, 機乎連書都無......
至聖之夜逾越節守夜禮........今年我哋堂區有二佰幾位新教友領洗, 所以一早就知復活節當晚的守夜禮會好多人, 其實年年都咁多人, 今年仲咁多人領洗, 有一半坐位要留比佢哋仲有佢哋啲代父母, 所以我同亞媽已經早咗一個鍾頭去, 點知已經一個位都無, 全間教堂都係人, 多人過聖誕節好多, 前幾年好似無咁利害, 好彩亞媽行上前面搵位時, 有個工作人員好好人, 見佢老人家比咗個留坐位佢, 連帶我都可以同佢坐, 真係感謝主, 唔係要企4個鍾......
全個彌撒都好touching, 由唱基督的光開始
我哋係同啲新受洗的教友坐, 佢哋受洗之後, 好多人都感動到哭出黎, 互相祝賀同擁抱, 場面好感人, 原來信天主真係咁開心! 由於我一出世亞媽就同我領洗, BB就洗咗禮, 都無見過這個場面 (今次如果坐後面其實都感受唔到, 實在太多人了.....千幾人喎! ).
彌撒全長3小時, 到11點先完, 唱咗好多歌.......過咗個好warm好開心的復活節晚上.
星期日......復活主日, 都好多人, 正如神父所講, 復活節期其實比聖誕節更重要, 四日以來經歷咗耶穌由被心愛的門徒出買、受審判、定罪、被處死至到復活升天. 領悟到小小道理, 亦加深咗自己的信養生活, 雖然無去旅行, 都過咗個好充實的復活節假期
去完台中阿里山之旅, 又開始 plan 下個 trip, 今次又去首爾, 亞囡上年去完覺得好好玩, 今年同同學仔 plan 去玩長啲 (上次5天太趕) 佢哋要玩11日, 而我只跟她們8日, 希望佢哋唔好話瑪莉姨煩就好........
今次由於同學們 budget 有限, 所以唔可以坐國泰機!!!!!!! 太貴!!!!!!! 幾經查詢, 機票一啲都唔平, 本來韓亞 $23xx 都有零晨機去夜機近, 但特然改咗時間, $23xx 只有夜機去早機近, 咁當然唔考慮, 要比多啲錢不如坐國泰.
同學們本想零晨機去係想當日有足夠時間可以直去釜山, 但由於 overbudget 因此都接受我的意見, 先選擇最平的機票, 然後再慢慢 plan 行程, 因為機票一日比一日貴, 再考慮連機票都賣唔倒.
最後決定買印度航空, 2人同行$1600+ tax $789.......合理........而我要先返香港所以要 $2100+ tax $789.....早機去午機返時間都唔錯, 機票 confirm 24/6 - 1/7 HK/Seoul/HK
住宿就 book 咗民宿, 因為佢哋住得長, 要洗衫又要煮嘢食, 所以都係住民宿好啲, 而且又平啲 (30000W/person/night), 仲係佢哋啲同學住過, 有信心..........
