北京之旅 2007 - Day 1

北京之旅 2007 - Day 1 (5/4/2007)

復活節假期第一天，開始北京之行，細佬每年復活節都會被邀請到北京攪比賽，今年跟他上去玩吓，一來有免費住宿 (細佬要求大會給他雙人床房)，二來出年奧運年有好多奧運記念品賣，三來筠女好想去。

今次飛深圳........都係 RMB2,200 全包，因為復活節香港飛好貴而且無位，早一晚已到深圳，第二朝坐的士去華聯大廈坐機場巴士，又快又方便。

深圳機場都OK，啲人做嘢都幾快 (因為真係好多人)，地方幾新，指示都好清楚。我哋坐深圳航空，飛機都幾新，空姐又靚，個餐就一般，飛飛吓啲空姐仲會唱歌比你聽，幾特別。

到北京就立即坐的士去酒店，再打電話比細佬叫佢搵我哋，上咗房放好行理細佬就同我哋食飯，跟住幾日佢都忙到不得了，連飯都無同我哋食一餐，由朝到晚都在溜冰場，大會總監真係唔易做。食完飯筠女話好眼瞓，所以小睡片刻。

四點幾先坐地鐵出去食晚飯

出地鐵先經過大柵欄，行吓影吓相，條街有好多老店舖，同仁堂、狗不理包子等。

出年北京奧運，有好多專賣記念品的店舖。

亞女話去北京一定要食最出名的片皮鴨，所以我哋就去最出名的全聚德，新聞話奧運前老舖會裝修，好彩今次食到，真係好好味。由於奧運前要大事粉飾北京市，全條門前大街都在裝修，無野睇。

跟住住地鐵去黃府井行吓

奧運倒數鐘，影吓相就回酒店休息。