浮罹交怡 / 吉隆坡之旅 - Day 1

浮罹交怡 / 吉隆坡之旅 - Day 1

15/9/2007 早機 09:15，坐國泰先飛吉隆坡再轉機去浮羅交怡 ，下午3點先到，今次最想玩的是浮潛，舊年去夏威夷的時候買了套浮潛裝備 (mask, snorkel and fin)，今次可大排用場。 在 Westminter book package 吉隆坡轉飛浮羅交怡，住 Westin Resort (新 Resort)，回程停吉隆坡，住 Sunway Lagoon 不過是 Hotel 唔係 Resort............. 因為 Resort 好貴。

Westin Langkawi Resort - 大堂幾靚，services 都好好，check-in 時先招呼我哋坐低，再送上 welcome drink 同濕毛巾，叫我哋慢慢填 form，五星級 services。

房間有露台，望園景。

回教國家房間屋頂都有祈禱指示

放低行理就在酒店行吓，睇吓間五星級酒店，仲要 book tour 明天去浮潛。RM230.00/person include lunch buffet

酒店園林真係好靚

我們在二樓

今日天氣唔好，不時都落微雨，好似快要落雨..............

泳池同個海連成一線

仲有個好長的私家沙灘

行咗一陣 book 好 tour 跟住坐的士出去食 Tea 仲去商場行吓，買咗個好靚的麵包明天做早餐。

晚餐十分豐富，有豆腐、炸雞同菜

仲有炒蟹............我最鍾意.............今餐食咗 馬幣58元 = HK$134.56

食完飯竟然找不到的士，有架好似白牌車停在我們面前問係唔係要車，都無想太多就上咗車叫他載我哋去 night market (真大膽)，仲約咗10點半來接我哋返酒店，真好彩.......無車都唔知點算，啲的士通常都停在商場門口，不會四處兜客。