珠海、澳門之旅

3日2晚 珠海、澳門遊

日期 : 2008年3月23-25日

復活節短線遊...............去珠海浸溫泉，朋友都話珠海海泉灣度假村幾好玩，所以在中旅 book 左 package 再加多晚珠海粵海酒店，可以過洪北到澳門威尼斯人行吓，package 包來回珠海船飛、海泉灣交通，溫泉門票、酒店房及早餐。

海泉灣維景酒店D房都幾靚又乾淨

露台望出去都好開陽，仲望到遊樂場

有好多人玩水上單車

漁人碼頭

午餐在海泉灣裏面的快餐店食，行左一陣就去左浸溫泉，溫泉有十幾個池，分室內室外，都幾靚...........而晚餐就在酒店食自助餐。除了 buffet 仲有好多選擇，美食廣場有快餐仲有中菜，我哋見到都幾多人食。

有水幕電影，都幾好睇，夜景都幾靚。

行左一陣去左酒吧街飲野，仲有隊 Band 表現，啲歌都幾好聽。

第二朝一早食完早餐 (package 包)，自助形式都幾豐富，11點幾 check-out 跟住就去浸溫泉，溫泉門票包兩次入場，浸到2點幾就坐旅遊巴回珠海，我們在洪北落車，行去酒店 check-in，食完午餐後就過洪北關去澳門，第一次過洪北，地方大......雖然好多人(好多太太買餸)但係都好快，過了關之後就坐威尼斯人專車去酒店，前兩年去過拉斯維加斯，其實兩地的酒店都是同一概念 (水都/運河)，一樣的建築設計，行左一陣影左啲相，6點幾就去食 Dinner buffet，是晚專程來澳門食 buffet，因為出名抵食又好味，唔洗兩佰蚊有生蠔、長腳蟹、魚生、燒牛肉.........好抵。

今年鼠年..........金鼠好可愛。

下面就係賭場

石膏真人

酒店大堂富麗堂皇

行到9點幾就趕過關回珠海，第三日就在珠海四維行吓，下午就坐船回香港。

今次可以來珠海真係要多謝細妹，因為出發前佢跌親個頭，口腫面腫，盛個星期都無出街，她好好人，唔想我失望，雖然未好反都同我來玩，所以佢無點影相，希望她快啲好反，下次再來玩得開心啲。