沙巴之旅 - Day 2

沙巴之旅 (28/6/2008) - Day 2

8點幾就食早餐 (仲攞左D水果同麵包出海)...........今日會出海..........去浮潛..........好期待........

帶齊用具...........防曬衫、mask、fin and snorkel 仲租左救生衣就出海，我哋用酒店送的船票去 Manukan Island，是五個島中最大的一個，島上仲有酒店。

開船個哥哥好開心

我哋住的 Resort 真係幾靚

十幾分鐘的船程就到了，我最怕坐船，因為會暈船浪...........上次去夏威夷就嘔到我死死吓!!!!!!!!!!!!!!!

原本個島都有好多種魚

小島的入口，要在裏面付入島費

海灘好大，都唔算多人，這是最大的一個島，島上仲有酒店。

如果要自己浮潛就要去到沙灘最尾，這裏水好清，又淺，一路沿浮波游都有好多珊瑚礁，好靚，而碼頭附近就有好多魚。之前去過兩次夏威夷仲有浮羅交怡，覺得沙巴真是直得一來。如果睇珊瑚 - 夏威夷比較靚，但水較深，深潛比較好。如果睇魚 - 浮羅交怡就最多，真係同你一齊游水。但沙巴最放便，可以自己坐船出海，船費又平班次又多 (半小時一班)，唔洗 book tour 出海咁麻煩 (在夏威夷出一次海都要幾十蚊美金)，可以玩到幾點都可以，而且想睇的都有得睇。

有小丑魚.........好Q.........

不知不覺就潛到中午，上水食左少少野休息左一陣，再潛多一陣就收拾好返酒店。島上有餐廳，仲好多人食野。

仲影吓相.........島上酒店房間，都幾靚，是我住的酒店同一集團。

3 點離開個島，個天好多雲想落雨，馬來西亞的天氣就是這樣，上午明明好好天，下午好多時都會落雨。

回酒店休息一陣就出去食晚餐，今次食海皇城，酒店 leaflet 都有介紹，call 左的士就出發。

最出名的老虎蝦，有幾個 size，又比香港平，所以選了最大隻的。

奶油蝦.........好好味

仲有抄蟹、石頭魚、抄菜、桔仔水.........兩個人食.......好飽，今餐 RM 210，價錢比香港平少少