今年係我的旅遊年, 4月去了北京, 11月去大阪睇紅葉 (係用5月到期的Asia Miles 換的, 本來想去北海道但全年都無位), 8月細佬杭州公幹又會跟佢去行吓, 順便可以去上海睇世博, 可惜 Doris 要回香港, 不可與她一聚, 本來今年已有3個 Trip, 但上司忽然發神經, 要我係9月前放曬09年餘下的9日假(本來每年12月先cut假)......出年5月前放曬10年的14日假.........合共23日, 所以要搵地方去玩吓.
好在筠女考完試後想同同學去韓國自由行, 但婆婆唔比, 其實兩個十幾歲女仔自由行我都唔係好贊成, 就由我同佢去啦. 其餘的假就等英國細妹結婚時放啦!!!! 如果放唔曬4月再去日本睇櫻花.
原來去韓國都幾難 book, 5月尾book 成個6月的平package都話無位, 同學仔唔去(因而太貴、無位又要開始實習), 最後要book盛$4,700 (連稅的先有位, 有錢真係可以解決好多問題), 不過坐 Cathay 住4星酒店, 在此要一贊西敏啲Service 真係幾好, 好啦再 Wait 吓 啲平位, 到dead line 先出飛.............
這幾日都在睇啲旅遊 blog, 原來首爾一啲都唔難去, shopping 又平又放便, 由其係化妝品, 食海鮮都好抵食, 個個人去完都話會再去...............
亞女已開始做功課, 寫低曬要買的東西, 要去的地方.........好開心咁............
沒有留言:
張貼留言