27/6/2010 - Day 4 in Seoul
今日行程 : Coex Mall - 水族館 - 泡菜館 - 弘大 - 咖啡王子1號店 - 南山纜車 - N-Tower - Teddy Bear Museum
原本今日計劃好去南山韓屋村再去南山塔, 但一早起身發覺落雨, 只好更改行程, 去室內的地方.......Coex Mall......一個好大的商場, 裡面有水族館同泡菜館.
這個商場連接地鐵出口, 好方便.......唔怕落雨......
去到剛好停雨
有好大個 food court, 我地先去搵嘢食, 亞女想食部隊鍋, 搵吓有無先........., 商場裡面有好多食店, 終於搵到這間有部隊鍋食........ 店裡面一個人都無, 可能太早......
睇落好似好辣, 食落又唔覺, 但越食就越辣........
今餐16000W........低食.......
食完就去水族館.......入場費要 17000W 1個人即係 $120, 海洋公園低啲, 又大又有機動遊戲玩, 好在裡面都幾多嘢睇.
所有嘢都可以用來做魚缸養魚
電話亭得.....
雪柜得.....
洗衣機都得......
好多魚仔........
仲有海星.........
雙頭龜
企鵝都有, 好可愛........
跟住去泡菜館, 入場費3000W, 裡面好細, 可以不去........
古代食譜.........用漢字的..........
之後係 food court 食咗個紫菜卷就走.......3000W
時間仲早, 所以先去弘大行吓, 亞女想睇吓咖啡王子1號店, 點知坐地鐵坐咗大半個鐘,去到弘大都無時間行, 只係到此一遊, 之後跟住 information centre 職員指示開始找尋咖啡王子1號店
行上去就係弘大
弘大有好多酒吧
幾特別..........
沿途有好多小店舖
都好順利找到..........咖啡王子1號店
都無係裡面飲嘢, 因為我哋想去新村食烤肉
點知跟旅遊書搵極都搵唔到我哋想去個間, 首先見到書中介紹的豆腐鍋
跟住向前行幾條街再轉左, 但搵唔到.......最後放棄...........
去地鐵站揾間 coffee shop 食件 cake 就去南山
韓國的 Coffee shop 買完嘢會比個牌你, 到你啲嘢 ready 就會著燈, 你就可以出去攞嘢..........
好好味的朱古力蛋糕
食飽飽, 坐地鐵去明洞.......開始南山塔之旅, 一出地鐵就見到要去的目的地, 依 blog 友的指示........見到Pacific Hotel.......
再一路向山上行......
見到 mini stop......靠右邊條路再住山上走.......
行呀行呀............
都行咗十幾分鐘........終於見到正官庄.............沿樓梯再上就係南山纜車站
終於見到........南山纜車站, 旁有部透明升降機, 回程時我地有試, 原來要行反明洞其實都幾遠, 唔快得剛才幾多, 而且晚上好靜無人行.........怪唔得無人坐(只係得我哋兩個), 都係原山路行好少少........
星期日好多人上山............纜車來回 7500W
如坐巴士就要坐這裡行上來......
終於來到南山塔下, 這裡係花樣男子場景之一
情侶鎖......真係好多好多............同情人來就一定要扣一個.......
南山塔
影呀影呀..........影到8點幾先去買飛上首爾塔同Teddy Bear Museum, 職員話要9點前入博物館之後再上塔,所以都幾趕......
古代篇............
長今feel........
啲啤啤熊全部都會旭.........
時光隧道....由古代走進現代........
仲會跳街舞.......
行完就上塔..........
首爾晚景都幾靚............塔頂留影.......
世界各地旅客的留言...........
塔低留影...........(室外)
Dinner: 明洞韓牛村炭燒烤肉, 亞珠媽極力推介十幾萬的套餐, 無理佢........點咗1份牛 38000W, 1份五花肉 10000W
今次專人幫我哋燒, 唔洗自己動手.......
埋單亞珠媽差啲唔比9折我哋, 叫佢計返, Total 43200W 約$300, 低食.........
Day 4 戰利品...........
今日有少少插曲, 昨晚只係用淨 127000W, 淋住去到Coex Mall 先唱錢, 原來星期日銀行唔開門, 無錢唱. 好......唔緊要, 去到弘大先唱, 問 information 都無, 佢話星期日要去明洞同東大門先有得唱, 所以沿途我哋都唔感買嘢, 去Watsons 都係轆Card, 去完首爾塔後只係淨反 1000W, 拿拿聲反明洞唱錢先有飯食, 下次要先唱多啲, 因為每日唱$2000 係唔夠洗, 隨時入間舖頭就洗你十萬八萬......不過係Won............
Day four finished............
沒有留言:
張貼留言