英國之旅 2010 - 準備篇 3

今次英國之旅主要是參加2妹的婚禮, 所以有好多嘢要準備, 最主要是禮服, 所以連續四個星期日都要上深圳幫亞媽、亞女同2妹訂做禮服, 上咗三個禮拜今日終於可以攞到亞媽同亞女的禮服, 都幾滿意, 下星期再幫2妹攞埋就大功告成.

媽咪衫 - ¥580

亞女禮服 - ¥480 可能會唔要個袖......遲啲決定喎.........

而我同大妹的就會自己造,由於想用相同布料所以我在深圳布城買好材料再寄住加拿大給她自己造,材料同紙樣都準備好, 今個星期開始動工........

係深圳仲幫2妹買咗跳舞鞋 ¥89 - 佢酒會時 First Drance 要著.

頭飾一set ¥20, 由¥40講價講到¥20, 我都覺得自己好犀利.