前幾日睇到個 blog 教整燒肉，好簡單，舊肉唔洗吊過夜又唔洗插個豬皮咁麻煩，所以陳冬至試吓整，又幾 ok 喎，皮脆肉嫩．．．．只係啲肉唔係幾夠味，下次要醃長啲時間．
材料：腩肉３磅
醃料：南乳１磚，紹酒１湯匙，鹽少許（下次要放多少少）
醃料醃肉，再用大量鹽鋪滿豬皮，醃５個鐘以上（今次醃咗８個鐘下次要醃過夜先得）
將鹽刮走，再用幾滴油揸勻豬皮，用上火２２０C焗８分鐘，再用上下火１８０C焗１個鐘．．．．
如發覺個皮唔夠脆可以再用上火２２０C焗多幾分鐘（今次就再用上火焗多咗８分鐘）
個皮真係好脆呀．．．．
如果想試吓都可以參考吓以下網址：
http://hk.myblog.yahoo.com/tnp-AUS/article?mid=12458
師傅d燒肉真係超贊呀!
回覆刪除[版主回覆12/23/2010 10:33:00]真係超贊, 細佬好鍾意, 佢平時好少食燒肉, 唔鍾意出面啲太咸, 今次食咗好多舊, 話皮脆肉嫩, 肥瘦仲arm arm好.
第一次就整得咁靚, 抵師傅贊你架。叻女!
回覆刪除[版主回覆12/23/2010 10:40:00]真係好開心, 個個都讚我, 要Thank you 你一聲, 都係睇咗你整 scones 先發現有個咁正個blog, 下次都要試吓整先..........
我都想試喎...
回覆刪除[版主回覆12/23/2010 11:39:00]真係ok架, 可以一試............
我都想試好耐，不過重未得閒去買焗爐......
回覆刪除[版主回覆12/23/2010 23:13:00]去買啦, 有焗爐可以整好多嘢............
醃料係咪好似你咁，成塊腩肉放落去浸。
回覆刪除[版主回覆12/23/2010 23:16:00]係呀, 醃過夜會入味啲, 今次醃得唔夠.
Good! Can you become a chef?
回覆刪除