行山樂 - 元旦行大運.....粉嶺雲泉仙館....鶴藪水塘....沙螺洞....大埔

1月1日元旦日, 好有 Ruby 又有好介紹, 元旦行大運.....先到粉嶺雲泉仙館食齋再行鶴藪水塘

雲泉仙館好似十幾年前跟團來過一次, 今日都係一大班人一齊來食齋

10:00 粉嶺火車站集合, 坐小巴直達雲泉仙館門口

雲泉仙館後面有個有機士多啤梨

都幾多士多啤梨, 可以自己摘咗去磅, 好似 唔記得 $50 訂 $60 一磅

行完士多啤梨園就去食齋, 11點半開始多人, 有幾架旅遊車到咗, 要快啲去攞位, 14人叫咗個 A 餐另加3 個餸合共 $910, 每人 $65, 都幾好味, 人多真係有好處, 可以食多好多餸

12個餸

食飽飽開始行山

鶴藪水塘

要決定行回頭路還是向沙螺洞方向往大埔, 經商討後大家都同意往大埔方向, 時間其實差不多, 但應該大埔易啲坐車.

落山喇.....往大埔方向....

3 點幾行完, 坐74k 巴士往大埔墟火車站轉火車回家, 反到銅鑼灣遊行仲未見到龍尾........