武漢櫻花遊 day 3.....武漢大學

Day 3 - 25/3......

今日起身竟然無落雨喎, 天氣預告仲話今明兩日都落雨添, 咁就拿拿聲起身食早餐, 跟住去武漢大學睇櫻花.

酒店每日都有一份早餐送, 我哋昨日無食咁今日有兩張早餐劵, 佢哋又無睇日子, 咁今日唔洗另外買一份餐, 其實買一份早餐都系 RMB15, 不過唔洗比就最好啦.....

食完早餐就去公車站坐昨日見到的武漢大學賞花專線 522, 車頭有好大個牌寫住, 所以唔會上錯車, 總站落車就對...

好快廿幾分鐘就到, 問咗司機過對面馬路直行就系, 一到路口就見到好大個告示, 一定無去錯, 不過武大真系好大, 地圖又唔系好清楚, 其實都唔知點行, 咁謂有行吓問吓.

好似普通民居, 原本已經系武大範圍, 問經過的同學們原本櫻花路系有點遠, 要直行見到地盤轉左再上坡見到球場再直行到時再問人喎...

見到球場喇

咁就直行,  見到地圖上的湖

武大真系好大, 條路都唔見盡頭

終於見到服務區, 應該好近

見到櫻園喇, 點解無人收入場費? 遠睇都唔見有櫻花喎, 所以唔洗收錢?

櫻花路啲櫻花真系落哂! 唔怪得唔收錢啦, 好可惜......這個角度如果有櫻花會好靚

武大女生宿舍, 上去行吓先

行行吓見到有人由側邊樓梯行上嚟就落去睇睇, 原來櫻園在此, 這條叫情人路

櫻花都落咗好多

好在仲未落唒

這張係好友用 note II 影, 真系影得好有水準.....讚.....

又影完一輪, 係武大行吓先, 建築物都好古舊, 一定有好耐歷史

中午12點幾, 開始回程, 武大太大都唔知邊道出口, 又問同學們, 佢哋教行梅園路一直行就系武大出口, 有公車回黃鶴樓

好大好靚的草地, 我同好友見到都好開心, 好似我系英國見到啲草地咁靚, 又綠又厚又干淨, 走咗落去坐, 仲影相, 玩咗半個鐘先走, 其實都唔系好寫得走!!!!

到達門口, 不過未走住過對面商場食 lunch 同去廁所先, 事關都點幾鐘喇, 唔系又 miss 咗個 lunch....

過間餐廳裝修好靚

口水雞、武漢炸三寶、三鮮百頁絲、仲有蝦餃.......埋單 RMB138, 系全個旅程最貴的一餐

一路食一路商量跟住去邊, 想去參觀黃鶴樓又怕遲咗少少, 都兩點幾如果再搵公車去黃鶴樓好似, 但今日好天唔去明天落雨就煩, 最後決定一食完就坐的士直去黃鶴樓

Day 3 ..... 代續.....