廣州行 2013 - 美食篇

上廣州之前揾咗啲美食資料, 晚餐諗住食一間叫壹心雞, 係上下九附近 , 點知揾唔到, 跟住去陶陶居搵位, 6點幾已經full 哂, 仲話叫我哋唔好等位, 應該等唔到喎!

之後去咗蓮香樓, 好好彩我哋係最後一張枱, 跟住就要等位

今餐食咗 RMB190

食完行上下九, 見到銀記腸粉, 不可不吃

豬肝腸同鴛鴦腸 (牛肉同豬肉)......腸粉好滑好好味

食完又 shopping, 差不多10 點, 去食甜品, 南順牛奶甜品, 芝麻糊好香好滑, 薑撞奶好重薑味又唔係好甜.....正......

食完10點, 拿拿聲坐地鐵, 幾過李添記買個魚皮返酒店宵夜

魚皮好爽呀.....

第二朝一早起身落樓下茶餐廳食早餐, 好豐富, 叫咗4個腸粉, 3個粥, 1個炒麵, 腸粉都好味, 不過同銀記比就銀記好味啲.....

跟住 check out 坐車去嶺南印象園, 去到掛住行無食 Lunch, 食咗個豆腐花....

去完印象園仕就去咗一德路食 tea, 上咗個商場搵咗間茶餐廳食茶餐

廣州最後一餐係系火車食, 點解?  因為我睇錯地鐵站去錯咗火車站, 所以坐唔到我哋買好的火車班次, 但好在仲可以入閘, 坐咗下一班火車, 但當然無位坐, 咁我哋就去咗餐卡, 不過要用餐, 咁我哋叫咗兩個雲吞麵同一個甜品, 原本即食雲吞麵都幾ok 喎, 餐卡坐得又舒服......不過盛因為人民幣九十幾蚊

到咗深圳7點幾, 好友約咗老公食飯, 我同亞妹就約咗細佬去食東北菜....安天民北方餃子館

今餐細佬請, 唔洗 RMB200, 有大盤魚, 又有羊排, 深圳消費仲係低過香港