曼谷之旅 2013 - Day 2

曼谷之旅 2013

Day 2 (9/8/2013)

今次細佬住的酒店位置一般, 設施一般, 好在早餐尚算豐富, 以後3 日每天都食個豐富早餐才出門, 連午餐都不用吃.......

早午餐一齊食 

今日第一站去 Central World 因為要去唱錢, 酒店位於 MRT Huai Khwang 站, 要去 Central World 要去 Sukhumvit 站轉 BTS 去 Chit Lom, 諗住快啲不如係酒店一接坐的士去, 點知好塞車, 坐咗 40分鐘先到, 車費同住MRT 轉BTS 一樣 , 都係100B, 曼谷塞車真係十分嚴重, 所以雖然車費平但非必要都唔坐的士
一落車就見到 NaRaYa, 第一時間入去買拖鞋, 佢啲拖鞋真係好好著, 全家都好鍾意, 一買就買咗十幾對, 其實都幾貴, 維HK$36 對, 買拖鞋都買咗4佰幾蚊......

跟住行去 superich, 出發之前係百年唱咗 $2000 rate 3.92, 這幾天個 rate 仲好啲, 去到 superich 個 rate 有 4.01, 唱多 $3000先

經過 7-11 買兩張電話卡先, 琴日細佬比咗張電話卡我, 可以上網的, 但只餘一日可用 (因為係佢啲朋友走之前比佢, 已經用咗6日), 但仲有60B可以打電話, 因此我哋只需3日上網, 所以買咗兩張 49B 的電話卡, 有 free first day unlimited internet 仲有 15B 可以打電話, 佢個 internet 唔只可以用 24小時, 我哋大約中午12:00開, 可以用到第二日夜晚7:00, 但如果打電話多的話就唔啱用, 好似2B 打一分鐘, 15B 的好似只係打咗3個電話, 用法相當屠簡單, 入卡收到 message, 再重新開機就得.

Book 咗兩點按摩, 仲有個幾鐘行一陣 Platinum Fashion Mall 先, 買咗件裇衫同3個眼鏡就走, 唔夠時間行

坐BTS Asoke 站行幾分鐘就到.....Divana Spa, 今日 book 咗100mins Aromatherapy Body Massage 盛謂 1450B all inclusive

Welcome drink

間房有浴室同廁所, 但我哋只做按摩, 無得沖涼.....

按摩師手勢都OK, 每人比咗100B tips, 但覺得好似上 Coran Spa 好啲啲, 按完舒服哂, 有生果食......

跟住坐MRT 返酒店放低戰利品, 再坐的士去 Chocolate Ville 食 dinner, 酒店幫我哋叫車, 但仄兩架都唔去, 第三架話唔睇 meter 要 300B 先去, 無法啦, 都5點幾, 再等就天黑, 又係好塞車坐咗大半個鐘先到, 好在天未黑但有少少雨, 要快啲影相先 

Chocolate Ville 真係幾靚, 唔怪得咁遠都咁多人來食飯

香港無影到鴨仔依家影返

開始天黑, 搵位食飯....

今日無食 lunch 好肚餓

食物價錢一啲都唔貴, 沙律、意粉、pizza ......見啲人寫blog 話炸魚同豬手好味, 就試下....的確唔錯, 好味.....

x

食完差不多8點, 怕無的士, 拿拿聲走人

出到門口見有的士的等客, 開價300B..... 唔想等成交算數.......去 Thailand Cultural Center 間Big C 入貨

有個 night market, 不過太本地唔啱買

今日收穫.......

Day 2 完.......