由於廈深高鐵開通， 去廈門遊士樓是今年計劃旅遊之一， 一早已約好友 Ivy 自遊行 (上年武漢高鐵遊實在太好玩)，但幾經計算預算金額 5 天大約要4-5千大元，由於預算中得我跟 Ivy 兩人同行，如果包車往士樓車費比較貴，唔係好化算，把心一橫之前跟美食之旅去南嶺之旅唔錯，美食又有士樓高鐵團，都係 $1698團費 + $240導遊費，唔洗 $2000 仲全包咁多餐同入場費，住兩晚5星溫泉度假區溫泉酒店， 計落遲啲去多個廈門3天團都唔洗 $4000 有著數， 咁啱七一又團就立即 hold 位，再問有無其他朋友想 join， 不問由自可，一問有6個， 咁就8人同行。
30/6/2014 士樓 3天團 Day 1 開始， 8點福田口岸集合，坐地鐵住深圳北站轉廈深高鐵往漳州
30/6/2014 士樓 3天團 Day 1 開始， 8點福田口岸集合，坐地鐵住深圳北站轉廈深高鐵往漳州
到達漳州
跟住往第一個景點，行公園 "江濱公園"
就係睇這條中山橋，其實不看也罷，應該比多啲時間行漳州古城
第二個景點.....漳州古城
應該都有地方行，但無時間....可惜.....
有摩托車展，啲車好靚好少見咁多色
跟住開車往永定，原來好遠架，要開兩個幾三個鐘先到，去到酒店都6點幾7點，拿拿聲食晚餐，食完晚餐先攞房
攞咗房沖咗涼休息咗一陣就拿拿聲去浸溫泉，去溫泉區要坐車架....
溫泉區好大，只開放一半地方，太黑明天先影....
地方十分乾淨，有水力按摩池、藥用池、牛奶池、花池......
浸到10 點聽見工作人員話餐廳有免費嘢飲就上去睇睇，可能太夜只得橙汁同茶，又見到有人在水吧攞方包食，不過我哋無攞
飲咗兩杯橙汁就返房瞓
Day 1 完............
沒有留言:
張貼留言