沙巴之旅 - Day 1

沙巴之旅 (27/6/2008) - Day 1

沙巴之旅終於出發，今次旅程只準備了一個多月，十分順利，機票是在國泰網頁 book，包稅 $3,397.00 港龍機早去晚返， 酒店住五星級 Magellen Sutera Resort， 上酒店 Website book RM370++/night 大約 HK$1,069.00 一晚，book 左5晚唔想轉酒店。

出發啦...........一到機場就 call 導遊，因為出發前已經 book 好兩個 local tour，而 travel agent 話會來接機但未見.......原來塞車，等了10分鐘終於來了，自我介紹後導遊哥哥問我們餓不餓? 他會先帶我們去食D嘢.............食完嘢我哋話要唱錢，他就帶我們去個商場裏面其中一間找換店唱，話個 rate 最好，我們後來 check 過真係最好，但第二次自己去唱時實在太多人排隊 (嘩有二三十人) 所以去左第二間唱，唱完錢買左兩支水，再買電話 card........有導遊真好唔洗自己四維搵。之後就車我哋返酒店 check-in ，他等我們 check-in 後同我哋 confirm 好 local tour 的時間，簽好 confirmation 比左錢他就走。

第一天的午餐...........好好味的喇唦同枯仔水.............是導遊請的...........多謝!!!!!

酒店大堂真係幾靚，名副其實五星級酒店。

房間比想像中好，浴室又大，最滿意的是有海境..........可以望到酒店私家碼頭........

打開行理時才發現剛剛買的兩支水留左在導遊架車，立即打給他，他就話10分鐘後送返來給我們............真好人。

跟住我哋就在酒店四維行吓，真係好大，全間酒店分三 part，Hotel、Resort 同 Golf Club，都有自己的泳池，可以共用，Hotel 的泳池最大，Resort 的就最有度假 feel...........我哋就係住 Resort。

這邊是 Resort

酒店有私家碼頭..........可以直接出海去著名的小島，酒店仲送左兩張船票比我哋 (可能我哋住5晚)，可以免費出島。

這邊是酒店

Resort 泳池

行左一陣就上房打電話 book 位坐免費車去市中心行吓，一定要 book 因為會叫房間號碼才可上車，如果無 book 又多人的話就上唔到，酒店都幾多人住，架車都差不多 full 曬!!!!!!!!!!!

菲律賓市場有好多檔口，買各式各樣食材。

燒海鮮好香，好遠都聞到好香，但怕唔乾淨唔感食

大排檔有好多食品，好似好好味...............

有燒雞翼，食左兩隻，都幾好味 RM1.20 一隻 HK$3.00 都唔洗............好平

行左一陣就再坐 酒店巴士回酒店，今晚會在酒店食 buffet。 酒店大堂有傳統音樂演奏表演。

酒店 buffet 只有一般.............但味道都 OK，只是款式少 D