Day 3 – 4/4/2010
昨天去唔到長城所以今日早啲去，9點幾去到以經無上午車票............真係咁多人去?????
所以坐的士去德勝門坐公車，一去到車站真係嚇一跳，點解會有咁多人去長城，竟然睇唔到龍尾，最後都係決定唔去，怕回程排大隊，因今晚要出值溜冰場的慶功宴又係細佬生日，唔可以遲到。
係德勝門影啲相，食咗今朝係酒店攞的生果再休息一陣，就坐地鐵去天壇，北京幾乎每個公園都要買飛, 天壇公園當然唔會例外.
天壇公園好多人，真係唔明要比入場費都咁多人。
有好多人跳舞，玩集體遊戲，北京市民都好識養生。
婆婆真好身手
有興趣可以一齊跳
入祈年殿要再買飛
天壇係皇帝祭天的地方
回音壁..........不過聽唔到，啲人叫得好大聲，有啲怪。
園丘
跟住去紅橋市場行吓，就在天壇對面…….好近。
買咗啲手信............記得要講價.............之前798買個面譜開瓶器¥15，紅橋市場開價¥15 講價後¥10，之後有一檔.......磁石、匙扣、面譜通通只是¥5，所以要買嘢最小要講三分一價先好買，唔係就做水魚........仲買咗個晚裝袋比亞女，¥190講到¥50成交，脛巾¥60講到¥20..........都係一還價即賣..........
四點半細佬就打電話囄話5點半就出發去食飯，無得買要走啦!!!!!!!!
跟住去王府井同細佬會合，佢買咗幾盒餅比同事 ，有好幾公斤，所以佢行理超重，今次我唔洗買手信返公司，因為無同同事講我去旅行。
返酒店放抵啲嘢就去溜冰場會合，今晚食官府菜.........那家小館。那........是官家的姓氏，所以這裡是食官宦人家的菜式。
未上菜前先來個特別節目，今日適逢細佬生日，周經理特別為他預備生日蛋糕……….個cheese cake真係好好味，好香芝士味但一啲都唔溜，Blueberry 又新鮮又甜，亞女話有水準過香港，唔知瀟小姐在那裡買的??? 就連蠟燭都好有心思。
先上涼菜……..
個蝦甜甜酸酸……..好味。
這個是牛……….類似牛腩，肉質好嫩，仲有荷葉香味…….好好味。
東坡肉
燒羊肉…….昨晚都點了之道菜，但今晚比昨晚好味，羊肉一啲都唔羶，皮燒得好脆，肥瘦均勻。
這個是鱸魚
這個金湯是用老鴨、老雞、火腿、鹿跟等餚製..........之後在其他菜館見到要成佰幾蚊一個..........好貴，不過真係幾好味，服務員特別介紹有三種食法，首先食1/3，跟住1/3加飯一齊食，最後1/3可以加些香菜、辣椒同腐乳一齊食味道更濃，不過我已經覺得好濃味所以無加。
仲有洋蔥炒牛肉、奶油芋頭、燒筍干、豆苗………
甜品有碗豆黃
這個類似雪米磁…….裏面仲有生果
最後就係果盤
因為是內陸，海鮮類在北京都比較貴，全部都要過佰蚊，今餐有蝦有魚仲有個湯一定唔平，真多謝周經理的熱情招待。
這個咁靚的地方其實係洗手間
食到9點幾周經理車我們回酒店，順便經過世貿天階影咗幾張相。
酒店仲送咗個蛋糕, 細佬一日切兩個 cake, 佢都幾開心.
沒有留言:
張貼留言