瑪莉: 25/3/2011 Day 1 : 香港住台中……..

25/3/2011 Day 1 : 香港住台中……..

今次第一次坐華信, 中華的附屬公司, 細機2+2坐位, 都幾新而且飛機餐都幾好味, 上次坐國泰去台北早機都係食三文冶.

今次有個小插曲, 由於華信用細機坐位有限, 又多團去台中, 航空公司overbook,有旅行團劃唔到位, 我們一行四人一到候機室就有職員問我哋可唔可以先飛台北, 會upgrade我哋坐商務位, 到台北航空公司有人會接我們機再送我們去高鐵站坐高鐵回台中, 當然會部費用由佢哋負責, 但最少要用多1.5小時, 所以經商討後都係無答應, 上到機之後原來重未搵夠人…..差一個! 所以一直廣播請求有無人願意飛台北, 除了包高鐵外再加HK$500, 好在都有人願意(一早加錢就唔會咁難搵人, 上次去多倫多國泰overbook, check-in 時已經加HK$1,000), 但好人要專機又要搵件行理, 個團啲人又要登機, 攪吓攪吓遲咗個幾鐘先起飛, 好在今日行程只在台中, 如果book咗車上阿里山就麻煩.

華信細機

飛機餐…..唔錯…..

以下價錢全為台幣, 張所有價錢除3.723就係港幣

本來想坐機場巴士去台中車站, 但要等半個鐘先有車, 最後都係坐咗的士, 站頭啲車要500, 但等巴士時有司機溜我哋400都ok, 所以就上車, 平100的代價是要聽司機hard sale佢的行程介紹, 希望我哋會包佢車, 3000大元一日大約8小時.

40分鐘倒就到台中車站旁邊我們住的酒店, 3分鐘就行到車站……推介…..

酒店是新裝修, 好新……早餐都唔錯, 方便又舒服……..見有人現場搵房都係1500一晚……..低住………

今日機本無行程, check-in後去買明天去日月潭的公車票, 酒店幾個街口就到仁友車站, 買完再去火車站買後日去嘉義的火車票, 原本好多人坐, 坐位要分散, 好在早啲買.

買完車飛就行去火車後站旁邊20號倉庫行吓, 途經一個棒球練習場.

火車後站

stock 20, 旅遊書寫啲倉庫有好多藝術家攪藝術的, 但其實好多都無開門, 仲以為會有好多嘢睇…….

這是維一開放的展館

對面就係火車站

行咗一陣之後去咗家樂福買嘢, 好近20號倉庫, 2-3個街口就到, 最鍾意行超市,好在朋友們都一樣.......買咗好多桂格唔同口味的麥片, 香港無的, 就算有都貴差不多一倍, 行咗盛個鐘先回酒店放低啲嘢再出去食飯.

已經6點, 立即坐的士去食晚餐, 星期五驚無位, 由台中火車站坐的士去公益路鼎王麻辣鍋, 我們在的士站上車, 可能見我哋係遊客, 開價200唔睇錶, 由於我哋初到貴境唔知路程, 只好就範, 所以做咗豬仔一次, 其實睇錶應該150左右.

公益路鼎王麻辣鍋

我們點了鴛鴦鍋, 是麻辣鍋同酸菜鍋合併, 辣度是小辣, 對於我們來說已經足夠了.

鴛鴦鍋上場, 麻辣這邊的鴨血同豆腐是無限量供應, 酸菜都係一樣, 鴨血同豆腐超好味, 唔洗叫其他嘢都已經ok, 但當然唔可以啦, 每枱都有最低消費, 4個人好似係1100, 我哋叫咗牛肉、綜合手工丸、綜合手工餃、油條、豬肚、菜……四人埋單1725…..低食又好味, service一流, 一見你食到差不多就立即幫你加鴨血同豆腐, 每次幫你加完料都會90º鞠躬行禮….讚……..

食後感：麻辣鍋比較好味…..鍋底香又唔太辣, 鴨血同豆腐都好入味食叿幾個 round, 手工丸足料又彈牙, 油條配麻辣鍋…..一絕….., 牛肉一般唔及香港的, 手工餃就麻麻…..皮太厚 ……. 同上次來台中時食過的麻辣狀元比, 四人來說價錢相約, 麻辣狀元是吃到飽, 而鼎王是單點, 但鼎王好味啲, service 又好…….推介………