27/3/2011 Day 3 : 阿里山

27/3/2011  Day 3 : 阿里山

以下價錢全為台幣, 張所有價錢除3.723就係港幣

今日要出發往阿里山, 坐8:33火車去嘉義

台中火車站

火車站有個自助圖書館

月台

8:33是觀光列車, 要劃位, 比其他班次舒服.

10:00到嘉義, 剛剛好趕到10:10班巴士上阿里山, 221一位

行咗差不多兩個鐘, 終於到達奮起湖, 司機比10分鐘去厠所, 奮起湖有條老街, 但唔夠時間行, 所以決定明天下山時要經一經此地.

離開奮起湖開始下雨, 仲越落越大, 差不多點半鐘先到阿里山……好大雨呀!!!!!!

先經過森林火車站, 休息一吓等兩點買明天睇日出的火車飛 (2:00-5:00預售明日火車飛)

啲雨一直未停過, 只好搵個地方食啲嘢, 之前睇 blog 見到有人推介 “日出有大美” 就去試吓 (因為其他飯店實在唔感興趣), “日出有大美” 除咗係餐廳仲係精品店, 全間店都佈置得好靚, 好溫馨.

Menu

我們都同時選火鍋, 每人一鍋、綜合菜一盤、自選肉一款 (牛/豬/羊)、白飯, 咁多嘢都係280-300……超值………

好豐富……食咗兩個鐘…….

這間餐廳真係好舒服, 去阿里山的朋友一定要去試吓……

食到4點幾先去酒店check-in, 仲未停雨!!!!!!

Check-in 完休息了一陣都開始天黑, 想行去睇櫻花都唔得, 只好去買手信.

甜品

買完嘢去7-11買嘢飲, 由於之前個餐仲未落格所以晚餐都無食, 之後反酒店食咗個碗麵就休息.

高山效應……..係氣球嗎?

明天4:10 morning call起身睇日出, 希望聽日好天啦!!!!!!!!

Day 3 完........待續..........