曼谷自由行 13/8/2011 - Day 3

曼谷自由行 13/8/2011 - Day 3

今日 book 咗去水上市場半天團, 但前一晚半夜開始頭痛, 又痾又嘔, 幾驚今朝去唔倒, 好在起身無嘢, 但無食早餐......食唔落!!!!!!

6:30 導遊哥哥準時係酒店門口等我哋, 坐咗半個鐘車去高山路接埋其他人, 再開個半鐘車去水上市場, 先到咗一間村屋, 就係道去廁所, 跟住上船.

隻船經過的民居就到水上市場

好多船係道賣嘢..........一定要講價, 佢哋啲嘢超貴.........

真係好多遊客, 啲船多到...........

隻船係水上市場遊咗一圈就比我哋上岸,  導遊哥哥就係岸上接我哋, 對好時間開始自由活動.

椰子雪糕.......好味......30B一杯

見到好多人食河粉, 但怕唔衛生都係唔敢食

有隻象仔.........買嘢比佢食就可以同佢影相.........

時間真係過得好快, 行個圈就要走........ 又坐個半鐘返高山路

到高山路先去食 Lunch,  之前見啲 blog 友食 Tom Yum Kung 好係唔錯就去試吓, 原本無冷氣!!!!!! 但坐落又OK 唔係好熱.....

order 咗6 樣嘢加 5 杯檸檬soda 3 支可樂.....真係太口渴!!!!!!  樣樣都幾好味, 只係個沙律太辣.....最好味係個蝦餅同明爐魚.....

埋單都係 1408B

食完行咗一陣, 高山路係背囊友天堂, 啲嘢都幾平, 又多酒吧, 夜晚一定好熱鬧..........

亞囡話 running man 都係道拍過外景喎.......

行到3點出發去 Refresh @24 Spa, book 咗4:00, 上網 book 的時候佢哋要求比 deposit, 當然唔比, 所以去之前打個電話去問吓係唔係仲 hold 住個 booking 比我哋先去.

今次book 咗 1.5 hours oil massage, 用 Thailand fans coupon 有 20% discount, 但原本要每人一張 coupon, 早知影印多幾張!  好在佢哋都比 dicount 我, 埋單每人 960B, 再比咗 100B tips 比按摩師.

做完按摩就坐 BTS to MBK 行吓, 今晚會去 MBK 附近間建興食飯.  其實 MBK 都幾多嘢賣, 好似旺角中心咁, 幾平而且明碼實價, 亞妹係道買咗啲 t-shirt 比老公同個仔 99B 一件, 翟道翟就要 150B.....

行到8點幾就坐的士去建興, 本來想行去, 但問完 MBK 個 information 佢話坐的士好啲, 就寫咗啲泰文字比我話比司機睇就OK, 都係坐咗 40B  車好過行路.

今次主要食咖哩蟹, 都係叫咗6樣嘢4支可樂, 埋單 1560B

食完就坐的士返酒店

Day 3 完.............