英國之旅2012 –15/8/2012 Day 9 London

英國之旅2012 –15/8/2012 Day 9 London

今日繼續用個London Pass, 另外又買咗 Buckingham Palace 門票參觀皇宮,白金漢宮係每年夏天英女皇去避暑時先會開放, 因為平時女皇都係住係白宮, 唔會比人參觀, 來倫敦幾次都唔係夏天, 今次一定要參觀吓.

 

今日又係一早係酒店食咗早餐就坐巴士去King’s Cross火車站寄行理, 酒店沒有寄存服務, 住近大火車站有道好, 交通十分方便.

寄行理每件要￡8.5都幾貴, 不過無法啦今晚係Kings’ Cross 坐火車, 方便嗎….

寄完行理第一站去Westminster Abbey

西敏寺原來唔只係女皇嘉勉的地方, 重係好多個英國君主長眠的地方, 真係唔入去都唔知咁多英國歷史, 點解知道? 又有免費普通話導賞器…….裡面又係唔可以影相, 行完先可以係出面影幾張!!!

行完就去白金漢宮睇換兵, 由西敏寺行十幾分鐘就到

好多人, 開始換兵, 多人到睇唔到! 忽然又落好大雨, 啲人開始走, 我哋都走, 去白金漢宮換飛入去參觀, 點解換飛? 因為奧運期間想去白金漢宮的人實在太多, 好多網站都買哂啲飛, 最後我哋係 London pass website買open ticket, 無set時間參觀前去換飛就得, 都怕太多人換唔到, 所以亞妹今朝都來過一次, 想預先換咗先, 但又唔比! 要即換即入, 依家要第大半個鐘先可以入去! 都見有好多人來買飛但全部full哂.

雨越落越大都唔可以去其他地方行! 就係道等休息吓.

唔可以影相亞妹就買咗本紀念冊
￡5

到我哋入場時間, 有人作簡單講解參觀準則, 有話音導賞器、要經類似機場的安撿、唔可以影相、唔可以用手機、皇宮裡面無洗手間要出花園先有啦…….

開始入去參觀19個國事廳, 由入口上長樓梯開始真係覺得自己走入皇宮, 裡面每個國事廳都富麗堂皇, 金碧輝煌, 屋頂掛著閃亮的水晶燈, 牆壁上掛著美麗的油畫, 19個國事廳包括接待來賓的接待廳、會客室、會議廳、飯廳、音樂廳,、演奏廳、放置名畫的長廊……..

如此華麗的皇宮維修費一定天文數字, 所以英女皇開放白宮給平民參觀, 入場費總算可以幫補維修費, 亞囡仲話如果佢係英國公民一定唔係好開心, 國家收入都應該用咗唔少係建築同維修皇宮上面!!!

好在白金漢宮係我哋參觀最後的一個大宅, 如果唔係一定會張每個地方都同白宮比較, 最靚的真係要放係最後先睇……….

今年仲英女皇登基60周年, 特別展出女皇多個皇冠(登基是所戴的都有), 同多套名貴首飾, 真係靚到…….

皇宮High tea……..

行過花園就走

如果係買普通門票臨走時仲可以蓋個one year pass印, 下次再來參觀, 可惜經London pass 買唔得, 唔係亞妹遲啲可以同妹夫再來!!!

跟住行返皇宮正門去參觀皇家馬房 The Royal Mews, London pass包……..

展示多架皇家專用馬車

行完再去The Queen’s Gallery, 又係London pass包, 可惜又要等一個鐘先入場, 我哋又想去Oxford Street行, 最後雖然換咗飛都無等倒就走咗…….

行去白金漢宮正門影張相, 再行去Green Park 地鐵站.

坐地鐵去 Harrods 行吓, 買咗兩個袋.......

坐地鐵去Bond Street行街. 

 

奧運期間Oxford Street掛咗各國國旗 

行到7點就出發去Kings’ Cross 火車站, 今晚坐8:35火車返Ilkley, 到坐Kings’ Cross亞妹帶我哋去買take away上火車站食, lee 間唐餐亞妹幫陳過好多次, 味道都唔錯, 之後仲去Simple food買多個沙律.

是日晚餐

食完晚餐開始計吓行程用咗幾錢, 計完又傾吓, 傾傾吓火車停咗, 跟住有廣播, 都唔係好聽得明車長講什麼, 總之就係delay, 等信號.

又等咗幾個字, 又講咗一大論嘢, 話要等engineer維修, 唔知等到幾時, 我哋就問吓隔離啲鬼佬, 話我哋英文唔係太好, 唔係好明, 佢就好耐心解釋比我哋知, 原來係火車軌信號有問題, 唔識轉換路軌, 所以行唔到, 又唔知等到幾時!

我哋從要係Leeds轉火車去Ilkley, 今次一定趕唔到! 點算???

亞妹就打比佢佬公, 佢叫亞妹唔洗担心, 如果無車佢就揸車去Leeds接我哋, 佢話等佢上網check吓發生什麼事

過咗無幾耐就有人來mark低邊啲乘客要轉車的, 佢哋應該會有安排.

等咗個幾鐘先開車, 到Leeds都11點幾, 亞妹無叫妹夫來接, 因為咁夜唔想佢揸咁遠, 怕有意外, 本來想坐的士, 但到站前有廣播叫要轉車的人去4號月台, 職員會有安排, 原來安排我哋坐的士送我哋返屋企, 咁都好啲, 唔洗自己想方法. 同車仲有兩名乘客, 最後返到屋企都差不多1點鐘, 足足遲咗一個鐘.

今日洗費:
Oyster Card top-up 
￡5
Luggage storage   ￡17/3 = 5.67
Tea at Buckingham Palace 
￡16.26/3 = 
￡5.42
Dinner 
￡22.15/3 = 
￡7.38
白宮門票￡18  
Train to Ilkley 
￡14.5
Total : 
￡55.97

Day 9 完………