英國之旅2012 –17/8/2012 Day 11 Manchester

英國之旅2012 –17/8/2012 Day 11 Manchester

今日要relax所以12點先出門口, 先去Traford Centre行街, 係個好大的shopping mall

去到首先食Lunch, 去food court 食

My choice……fish & chips 亞妹話lee間係英國好出名, 我同亞好要咗個large size share ￡6.99

亞囡又食subway

妹夫就食薯仔……佢唔鐘意影相….

食完行咗一陣但都無買什麼東西

 跟住出發去Manchester, 經過曼聯球場, 影噏吓相先...........

紀念品都唔算好貴, 但對足球沒什麼興趣, 所以都無買嘢.......

到咗曼城, Lee個星期係基佬節, 亞妹話可能會有啲活動, 但只係星期五, 可能要明晚先有…..

 

Manchester China Town……亞妹買蝦子麵, 原來佢個town無得賣, 早知香港帶10包8包過來, 這裡起碼貴30-40%

今晚由我請客, 咁就開始去搵食, 睇咗好幾間唔係法國菜就係Bar, lee十幾日都食過好多次

行行吓見到間all you can eat, 亞妹話去試吓, 佢老公啲同事食過話唔錯, 本來他們兩都想試, 但未有時間, 咁就上去睇睇……原來要分時段, 侍應話個幾鐘頭後要交枱, 上去睇咗啲嘢食都ok

食buffet 有6個 step 喎.......

都好似香港啲酒店 Buffet, 但無魚生食!!!

 

啲雪糕有十幾種味, 好好食, 不過唔好意思再攞多轉, 因為妹夫食 Buffet 都好有好規矩, 頭盤一碟, 主菜一碟, 甜品都係一碟, 我已經攞咗兩舊雪糕, 都唔好意思再攞多碟.

今餐埋單￡72, 價錢好合理......

食飽飽又揸一個鐘頭車回家, 跟住執行理, 明天返香港……..

Day 11 完................