行山樂 - 元朗大棠交野公園 ..... 紅葉篇

一直以為如果要睇紅葉一定要去日本、韓國先有得睇, 但原來香港都有紅葉喎, 無意中睇見啲 blog 元朗大棠交野公園 12月-1月都有紅葉睇, 咁就事不言遲約定一班好友一齊尋紅葉去罷......

是日聖誕日, 10:30 元朗巴士站集合, 一行五人包架的士直上大棠交野公園, 都係多得網友溫馨提示, 如果坐 K66 要行一條長鈄路先到大棠交野公園, 沿路上鈄發覺我們的選擇沒錯, 條鈄路真係好長, 要花不少腳骨力仲未計時間喎, 我們花了 $42.50, 每人$8.50 就到達門口, 開始我們尋紅葉之旅.........

昨日先上網搜尋香港紅葉, 發覺今年天氣唔算好紅葉唔算多, 沒有上年靚, 有了心理準備覺得都唔算太差, 而且與好友出遊是一件樂事, 紅葉反成點綴.....

行咗無耐就見到幾棵梳落的紅葉

可愛的 Yellow

紅葉雖然唔係太紅, 但都唔少人捧場

行吓影吓好快就過咗3 個鐘, 又係回程時間, 我哋都係坐的士回程, 回程比較塞車要 $49.50 先到千色店, 好友帶我哋食老字號水餃麵, 但今日賣哂.....可惜......只好食雲吞都同牛腩麵.

食完麵仲未夠喉, 有人提議食 B 仔涼粉, 好在有元朗通帶路, 好快就到目的地.....

好大碗 招牌 B 仔涼粉, 無番四五個人都無辦法消滅佢......

一日行程完畢, 坐 968 巴士回家.........