美食之旅......順德遊 day 1

平時去旅行好少跟團, 今次因為亞妹有幾日大假想去行吓食吓嘢, 亞妹睇見美食之旅有個團去順德包4餐間酒店仲住系步行街對面, 加埋導遊費都系 $548, 仲系星期六出發, 上去酒店網睇咗淨 book 房都要人仔450, 跟團咁底不妨試吓.

一早6點半出門口, 約好友人8點羅湖食早餐, 去到關口先報到, 如亞妹所說真系有幾十支旗仔系道等團友, 搵到自己支旗報完到後就去食早餐, 深圳茶餐廳都幾貴, 早餐同香港價錢一樣, 不過系要比人仔, 盛維RMB20

美食之旅當然以食維先, 第一站先食午餐 "雞同鴨講氣鍋魚宴"

用石來做的汽鍋

清潔中

放入煮好的雞中鴨

開蒸汽加熱

加汁.....好快就滾

再加鮮淮山、支竹同生菜, 滾好就食得, 主菜雞同鴨都一般, 反而淮山同支竹最好味....

順德魚羹好好味

其他菜式

食飽飽去樹生橋

就系這條由樹根生過對岸而成的橋

再去順風山公園

廣東最大的牌坊

天氣真系唔好, 如果天氣好張相一定好靚

好大個湖, 可惜今日睇得唔清楚

行完公園......導遊應團友要求先回酒店check in

酒店房.....滿意......

依導遊按排團友可過酒店對面行步行街, 6點15分再在酒店大堂集合去食晚餐

食碗順德出名雙皮奶

蓮子雙皮奶......一般......

蓮子姜撞奶......好味, 姜味夠, 奶好滑.....

6點半番酒店等食飯, 點知導遊去錯地方, 入到餐廳先知攪錯, 應該去 "有腥氣" 去咗 "有骨氣", 拿拿聲問餐廳地址, 攪咗一輪先去到!

餐廳地方一般, "有骨氣" 地方靚好多

食物質素反而唔錯, 好食過中午

食飽飽番酒店, 去咗酒店隔離個商場行街, 好似旺角中心, 啲嘢平過東門, 4個人都有收穫, 行完去7 eleven 買啤酒番酒店玩啤牌