武漢櫻花遊 day 1

5月尾有3日半假要放, 本來想4月尾同亞妹去土樓, 但咁啱見到4 月武漢有櫻花節, 計一計數坐高鐵5天遊唔洗$3000, 就決定上去行吓, 可惜亞妹唔能夠同行, 好在好友 Ivy 能夠抽空陪我, 唔係今可能就要獨行俠......

23/3 出發日

約好 Ivy 8點上水等, 經落馬洲轉深圳地鐵去深圳北火車站, 過咗落馬洲境仲買咗52蚊神洲行增值劵, 之前問同事借咗張電話上網卡, 全程5日都系用咗20蚊到, 原來只系用 whatsapp 系好平嫁, 下次都要買過張可以上網的大陸卡先得......

9點就到達, 我哋一早就買好10點車票, 要多謝細佬幫忙, 早10日前就幫我哋系羅湖火車站買飛, 因為高鐵車票要實名購買, 所以一早預備好回鄉証影印本比細佬, 好順利就可以買到, 不過系代售點購買要比5蚊手續費一張車飛.

深圳北火車站好大好新仲好靚, 入高鐵站要對車票, 排咗幾十人隊, 對票員可能見太多人對對吓都無對, 就咁就可以入站, 上車入閘都無對名嫁, 等我哋仲攞定回鄉証添......

贈水處......有高鐵都可以換一樽

仲有大半個鐘, 可以慢慢食早餐......真功夫早餐兩份.....RMB26.....

和諧號......5個鐘就到武漢....

到咗武漢高鐵站, 都幾大但無人喎, 我哋只係系個唿攞件衫的時間, 全車人都散哂, 本來想坐公車, 但公車站好似無人咁,  只好去排的士, 排咗十幾分鐘就有車, 由高鐵站去酒店 (黃鶴樓附近) 都坐咗30分鐘有多, 車費 RMB47, 一啲都唔貴......

今次住艷陽天新荊楚酒店, 係見到blog 友 Annie 住過, 評語唔錯, 我住完都覺得幾好, 交通方便 .....酒店出門口向左行路口轉左就有巴士站, 有好多路公車, 去各大景點十分方便, 酒店向右行路口轉左就系購物街, 一路向前行過咗橋低就系戶部巷.

到酒店攞房出咗啲小意外, 酒店話無我 booking, 一直都用芒果網 book 唔知點解無 booking, 打去熱線問原來佢哋透過藝龍 elong.com book, 下次都改用佢哋先.

平價酒店 RMB189 一晚真系算唔錯, 干淨就OK, 又有免費寬帶, 速度又快, Tango, whatsapp, Skype 都無問題, 讚.........

日式洗手間, 同我去日本住的一樣

攞咗房休息一陣, 仲試吓新買的路由器上唔上到網, 真系上到仲好快添, 咁今晚就可以同屋企人 Tango 喇

跟住去戶部巷食嘢, 上網睇過地圖應該係系酒店右手邊, 咁就跟住行, 原來酒店位於熱鬧購物區, 一轉右手面就有各色各樣的店舖

直行十幾分鐘就到戶部巷, 十分方便......

武漢出名的豆皮, 其實係豆漿煎成豆皮上面再放糯米飯

好平串燒

這條街太多人無行到, 原本我哋想食的四季湯包就係裡面, 後來再去先知

搵唔到四季湯包就是旦搵間食, 試哂湯包同豆皮先, 總括來講是好食的

串燒羊肉同麵根

臭豆腐, 唔臭好味

跟住坐的士去江漢路步行街 , 車費 20

本來想住這間錦江之星

行咗一陣開始落雨, 而且步行街全部都系大型連鎖買衫買鞋的舖頭, 唔系好 arm 行, 就走咗去 Walmart shopping, 買咗啲手信同即食麵.

出超市過對面馬路就有公車回酒店, 十分方便, 2蚊雞就返到酒店

回到酒店放低啲嘢就出去食飯, 大陸一定要早食飯, 9點幾好多地方都收咗, 連酒店餐廳都無得食, 今朝見到有 24小時肯德基就去睇吓, 原來肯德基門口就係夜市同食街

因為唔系好肚餓只系食咗餃子同湯圓就返酒店

day 1 完.......