武漢櫻花遊 day 2.....東湖

Day 2 - 24/3 .......東湖

今日星期日本來無諗住今日去睇櫻花, 以免多人交通影相都麻煩, 今日行程只系去啲寺廟行吓, 所以就遲咗起身, 食唔到酒店早餐, 早餐原來9:30就完, 咁為有明天先食, 出街睇吓有什麼早餐可以食先, 行去巴士站睇睇, 原本都有好多選擇, 見到這間快餐都好干淨, 又多選擇就試吓先.......

小米粥、豆皮、生煎包...... total RMB14

食早餐時一直考慮今日究竟去邊道好, 天氣預報之後兩日都落雨, 不如今日去東湖, 又怕多人! 想來想去都系今日去好啲, 食完早餐就搵車, 本來想坐的士但又怕塞車司機唔去, 見到公車413系東湖賞櫻專線就唔理咁多上咗車, 公車好多人又塞車, 1個鐘頭先去到東湖梅園.

東湖梅園.....有梅花節但要40蚊入場費, 又怕唔夠時間睇櫻花所以都無入場.

風景區唔知點解會有圖書館? 會有人在此借書?

公車站系梅園, 要睇櫻花就要行10分鐘倒去磨山景區櫻桃園, 門票RMB60

磨山景區好大, 有好多地方可以參觀, 要想行完盛個磨山景區我估
都要一日先得, 由於今次主題系櫻花, 所以一心往櫻園前進....

向櫻花園出發

未見櫻園先看見荷園, 但由於依家唔系荷花季節無荷花睇

見到櫻花園, 未入園先來認識一吓櫻花品種先

一入櫻花園有點失望, 點解啲櫻花咁少?
好多都落哂, 唔通之前落咗好多雨?

五片花瓣的櫻花好多都落哂!

影咗一輪見到有個餐廳, 有便當賣, 好似廿幾至三十幾一個便當,

都唔算貴, 但大家好似唔系好肚餓所以無食到

再往前行前入啲開始見到粉紅一片的櫻花林, 好開心,

之前不快一掃而空, 這裡是另一品種的櫻花

今日陰天無陽光, 啲相麻麻, 免強收貨啦

湖景很美

好鍾意粉紅色櫻花

好日本 feel

櫻園其實人山人海, 好在地方好大, 影相都唔會影到其他人

好似去咗日本咁, 好美....

白色櫻花

含苞待放

櫻花園真系好大, 行吓影吓都3點幾, 本來想往楚城進發,

但好似好遠咁, 一問之吓原來回程的遊人是中午12點就出發現在回程,

即系行咗3個鐘, 據她所講前面有好多地方參觀, 但現在已經3點,

3個鐘即係6點, 好似夜咗少少, 因為唔系自己地方, 又系郊外, 回程吧....


今日戰績, 由於之前落雨, 對鞋變成咁, 新鞋喎好心痛呀......

跟住等公車回程, 好多人排隊, 今次由於系總站所以決定要等到有位先

上車, 好似等咗40分鐘, 上咗公車今次唔識落車, 仲以為黃鶴樓個站

就叫黃鶴樓, 但原來回程系叫什麼馬場站, 無落車過咗長江, 咁就直接去

到銅鑼灣廣場先落, 事關我知道那裡有車回黃鶴樓

到站見到新世界百貨, 又見到家樂福, 咁就行吓超市先回程,

家樂福啲嘢比 Walmart 貴少少, 地方大少少, 不過今日都無買什麼,

只系好友買咗少少手信, 買手信系超市買真系平遊客區好多架

回到酒店休息一吓先, 唔去搵嘢食喇, 系酒店食算,

武昌魚、蓮藕餅、炒菜, 埋單 RMB116

Day 2 完........