日期 : 28-29/11/2009
行到差不多三點就坐的士去酒店 check-in， 的士費 14元，已經大包小包...........收穫豐富..............
珀麗酒店大堂都幾靚.........酒店附近都幾多野行，側邊有大型商場、超市、仲有商店街。
房間都幾大，又乾淨.........
check-in 完拿拿聲過對面馬路坐 8 蚊的士去婚紗街，其實只是一條直路，不過行路要半個鐘。其實如果要行婚紗街最好住天一酒店，因為就在街口，唔洗坐車。
名副其實婚紗街，全條街啲舖頭同商場都係買婚紗同結婚用品，應有盡有而且價錢合理。
真係想不到大陸啲婚紗原來好靚，之前仲以為啲款式會好老士，手工同啲料都唔及香港，原本全部都錯，婚紗啲款真係好靚，有啲仲靚過香港啲婚紗攝影公司，而且仲超平..........拖尾婚紗未講價都係 1,000-1,350人民幣，唔拖尾 680-980 都有仲已經好靚，其他直身晚裝 二三佰都有，不過亞妹無試，因為怕著完之後處理麻煩，而且婚禮仲有半年，佢話再睇吓先。
男裝都有，亞妹話叫妹夫買返套接新娘........都偽係四佰幾蚊。
仲有外母衫，亞媽都話OK。
不知不覺行到 7:00，連 Lunch 都無食好肚餓， 除便搵間飯店食晚飯，都幾多人食而且唔差。
斑腩煲斑腩好滑，田鴨啲鴨好淋好入味，今餐都係 RMB96。
食完行返酒店，真係要行半個鐘，經過個好大商場，裏面有好多 outlet store，其實都平..........可惜人民幣比港紙貴............無特別著數.........所以無買，二三樓係家樂福，最鍾意行超市............行到十點幾仲好多人..........跟住返酒店。
待續.................
沒有留言:
張貼留言