冬日購物節 / 美食嘉年華

12月26日 一早10點幾就出發去會展睇冬日美食嘉年華，亞妹比咗兩張入場券所以同兩老一齊去，今次係第一次去購物節，好似幾多嘢賣，啲日本食品覺得最抵，黃帝蟹都係二佰蚊隻，松葉蟹90蚊都有交易，可惜這兩天屋企人都好忙，如果唔係就可以買返去開大食會，同時攞咗啲資料，原來啲舖頭500蚊就送貨，下次攪大食會就可以落order。

一早都咁多人

行吓行吓都三點鐘，要快啲返屋企放低啲嘢，因為下午要去 Ivy 屋企開 Party。

會展門口有試飲，好多人排隊.........唔執書跟住排........

Vitamin water............都 OK 可以再買

今日戰利品 - 美國火鍋肥牛都係40蚊一包(1磅)，都幾靚街市要賣50幾蚊一磅，仲有牛立方都係$40一磅，買定打邊爐，最抵係日本太子貝........好大隻80蚊一包，廣島蠔都係$100-$110，下次會再訂貨........$500就送貨。