工展會

一年一度的工展會又開幕，今晚食完飯決定去行吓，去到差不多8點，亞妹D Supplier 送咗兩張入場券所以唔洗買飛。

星期四唔多人，之前幾年試過星期日去，超多人行唔到，所以以後都係閒日去好D

今年D攤位設計一般，無邊個特別靚，可能經濟比較差D公司唔想花太多錢。

亞媽本來想買麵.........因為上年好平買咗好多.........但行咗一陣發覺今年D嘢好多都貴咗，上年D麵買一送一今年買二先送一，同超市做特價差不多.............無買.............，其實好多嘢都唔平，超市可能抵D，所以要小心選購。

保心安油出咗個懷舊環保袋，都幾靚。

馬會年年都有Counter

一個電視節目的威力幾大，依家好多咖啡產品都搵陳豪做代言。

上海世博都有Counter做宣傳，個吉祥物好奇怪，如無意外出年都會去睇。

行到差不多見到啲小食幾吸引就買咗蟹粉小籠包食 ($30有4個)。

戰利品都唔少，魚皮.........必買.......紫菜味最好食 ($35有4包....大包)，新加坡即食麵都買咗8包 ($50有4pack)，D味道比較特別，有喇唦、黑椒、冬菇、冬陰功、蕃茄.............而且不經油炸，加$10換支麻油，換咗4支 (亞媽話都幾香)，五指毛桃4包....都係$50，瑤柱絲 $65有3樽，仲有無糖薑茶.............