Entrecote 法式牛排屋

一直都有聽朋友講話這間餐廳啲牛排好好味，都未試過，今日年初八拜完年終於有幾會去試吓，真係唔錯...........值得一試。

7:00 到，可能早得幾枱人，一到 7:30 後就開始多人，8:00差不多坐滿曬，餐廳氣氛唔錯，都有好多情侶光顧。

首先朋友兩父子叫咗啤酒同橙汁汽水

麵包好脆仲暖暖哋...............好味.............

我同個 friend 叫咗兩個餐 share............其中一個有龍蝦湯同煎鵝肝

鵝肝入口即溶，都幾大件，仲有個類似西梅的東西在上面，酸酸甜甜，唔會咁溜........好味............

另一個餐就係海鮮頭盤，有兩種蠔各兩隻，仲有青口同螺..........都幾抵食，之前去過啲蠔 bar 食，最平啲蠔都要二三十蚊一隻。

主菜叫咗牛仔架...........好淋，不過唔夠牛排咁重牛味。

另一個叫咗牛排..........6乘熟......剛剛好...........正.............

甜品: 心太軟配雪糕..........好味。

甜品拼盤

餐茶..........咖啡都幾香

 

食後感...........炭燒牛排真係幾正........好香肉味，價錢都 OK，兩個 set 分別係 $298 同 $338，當然係海鮮頭盤貴啲啦，但圍起上囄都唔算好貴，個餐件牛排得 6 oz，如果唔夠的話可以唔叫餐，好似朋友兩父子叫個 10 oz share，都係 $288，只係得湯同牛排。

 

下次試吓 Lunch，話平啲.......睇吓係唔係一樣咁好味先。