杭州/上海之旅.......後感.........

旅程完畢……後感…….

世博行程...........

世博真係好值得去, 一個咁大型的博覽會, 係自己國家舉行, 熟識的語言, 熟識的文字, 有時間的話點可以唔參與一吓, 而且中國生活指數比較低, 無論入場券、紀念品、膳食甚至交通費對香港人來講都係一個平字, 如果去外國就一定唔得.

世博今次參觀咗好多館, 印象比較深有意大利館、俄羅斯館、加拿大館、法國館、西班牙館、漢堡之家仲有兩個主題館…..城市未來館同城市足跡館……可惜無時間去埋其他幾個…..

世博會埸之大要親身去先可以體驗到, 一區去另一區根本唔可以行過去, 就算只係在B區活動都行到你腳軟, 所以大會安排得真係好好, 有免費巴士、渡輪同地鐵比參觀者使用…….雖然有時上巴士會有啲亂, 但基本上可以比個讚字.

世博志願者要比三個讚……..在烈日當空38度高溫下, 竟然可以站在太陽下(雖然有太陽傘)還帶著微笑為我們服務, 真係敬佩……敬佩……, 而且佢哋好幫到手, 你根本唔洗睇地圖, 想去邊個館一問佢哋就立即教你點去…….專業…..

之前睇見報導的混亂情況一啲都見唔到, 地方十分清潔, 不時有清潔工人清理……一路排隊亦有標語提示參觀者注意衛生, 一日半的參觀時間只係見過一次有人想用小朋友來插隊, 但好係唔係好成功…….因為我已經入了場館唔知結果, 基本上參觀者都好有秩序排隊, 參觀時亦唔見爭先湧後情況, 大家好有禮貌, 中國人真係進步得好快.

世博有少少心得同大家分享一吓:

如果唔一定要參觀中國館就唔洗一早排隊入場, 我差不多10點到, 由買飛到安檢暢通暢通無阻, 唔好白白浪費精神同體力……

夜間入場人無咁多, 門票平啲……都係90蚊……, 又無咁熱, 又唔洗排咁長龍, 可以考慮考慮……

星期頭比星期尾少人, 本人星期三晚去比星期四晚少人……

要帶空樽在水機加水, 本人試過下午好幾檔賣飲品都無礦泉水買……..賣曬……, 只有能量水同汽水(本人好少飲汽水), 而且水機好乾淨, 有水樽專用位置來裝水, 唔洗怕啲人話見到有人唔識用含住個出水口飲水……….

唔一定要去出名的主題館如沙特館、可樂館、日本館等, 這些熱門館都要排上3小時, 其實好多國家館都唔洗點排隊, 通常我都係排15至20分鐘就可以進場, 只係一間要排35分鐘好係係俄羅斯定意大利館…….唔記得邊間, 排隊前先要觀察, 如果條龍一路行的話通常15分鐘就可以入倒去.

主題館好值得睇, 無預約都唔洗點排隊, 不可錯過.

參觀展館唔洗心急, 好多館都有地方可以比你坐低慢慢觀看短片, 要好好利用, 一來可以休息吓……因為行全日真係好累, 二來又可以涼吓冷氣.

要住間地鐵出口的酒店, 行完盛日唔好再要我搵車返酒店啦………

上海行程..........

只係得一日在上海, 實在唔足夠, 下次要多留兩日.

杭州行程..........

杭州風景一流, 真是 "上有天堂, 下有蘇杭", 但千其唔好8月去, 因為實在太熱, 個妝都溶曬, 無心機行街同影相, 最好4、5月去就perfect啦.................