杭州/上海..........酷熱世博之旅 Day 5

杭州/上海..........酷熱世博之旅 Day 5

日期: 2010年8月13日

行程: 上海 - 杭州 : 徐家匯天主教堂/田子坊/多倫路文化名人街/外灘/南京路步行街

今晚要坐7點火車回杭州, 有大半天時間可以在上海走走, 預算會到徐家匯天主教堂、田子坊、多倫路、豫園、南京東路、外灘.............但可能唔夠時間, 咁就先去頭三個地方, 因為上次來上海時未去過的........

9點幾 check-out 後就坐地鐵去徐家匯, 出口連接商場, 係個好大的電腦商場, 行咗一陣啲嘢都好新同香港沒什麼分別, 再走回地鐵找出口去目的地..........徐家匯天主教堂.

地鐵出口行幾分鐘就到, 因為台劇 "命中注定我愛你" 才知到上海都有咁靚的教堂, 而且我又係教徒, 所以來到上海一定要來睇睇. 

這間教堂是上海教區主教座堂, 始建于清光緒22年（公元1896年），法國中世紀樣式, 大堂頂部兩側是哥特式鐘樓和尖頂.

教堂裡面好靚但唔比影相, 裡面有人看守, 佢哋好好人仲開風扇比我, 因為出面實在太熱, 祈完禱坐咗一陣就走.

 

下一站田子坊, 之前在網上找了巴士路線想試吓坐巴士, 但天氣實在太熱.......唔在以在街上四維搵, 只好坐的士, 因為在上海的士多的是, 上第一架話唔識去, 第二架話錯方向, 對面才順路, 佢哋都幾好人, 落車過對面再坐的士16蚊就到.

田子坊由好幾條小街組成, 有售買各式各樣的精品的小店同唔同國家的餐廳.

行完田子坊大約一點幾, 坐的士去多倫路, 這次比較遠......由徐匯區去虹口區, 坐咗都有20分鐘但都係28蚊, 上海的士真係平, 如果四個人來連地鐵都唔好坐, 直接坐的士, 又快又舒服.

多倫路文化名人街........裡面有好多名人的銅像

丁玲

老電影咖啡館

魯迅先生

本來想去魯迅紀念館 , 可惜搵唔到, 見到有間現代美術館就入去睇吓.........入場券10蚊

樓高三層, 展出幾個藝術家的作品.

之後本來想去豫園, 但怕唔夠時間........算!上次都去過, 直接去外灘.....19蚊的士.

外灘好多旅行團..........上海是必到景點

再沿南京東路步行至南京路步行街, 來這裡是為了買手信, 有位朋友好鐘意食鴨肫, 所以買兩斤比佢.

未食Lunch........除便食個餃子........RMB16

搵反上次買手信的店鋪先........記得是在我們住的 Remada 酒店對面, 上次住在南京路超方便, 落樓就可以行街, 買完嘢又可以攞上酒店先, 可惜世博期間房價由6佰幾升到去盛千蚊.......太貴了.

任務完成.......

要回酒店攞行理去火車站, 由酒店到火車站大約45分鐘.

上海火車站好大, 有好多閘口, 等車期間有啲肚餓, 去便利店買啲嘢食, 見到有杯麵買便想無水點食杯麵??? 但好多人買, 原本車站有熱水供應, 值得一讚...........我都食反個先.

是日晚餐.................由於近到酒店都好夜, 所以只係隨便搵間飯店食晚餐.