杭州/上海..........酷熱世博之旅 Day 2

杭州/上海..........酷熱世博之旅 Day 2

日期: 2010年8月10日

行程: 杭州 - 龍井村/九溪十八澗/九溪煙树/三譚印月/印象西湖

8點起身, 食定早餐就去火車站買飛明天去上海, 上網睇話去上海火車由東站開, 點知去到只見到一大個地盤, 原來車站以搬去城站, 再坐的士去城站, 司機話3年後新車站先起好.

火車站好多人, 原本想13號8點上海回杭州, 點知已無位, 只好坐7點鐘那班, 好在今日買定飛先.........買好飛之後就坐7號巴士遊西湖, 在等車時有位亞姨問我想去邊(可能見到我在看地圖), 開頭都無理, 以為她又 sell 一日遊, 原來她在車站攪衛生的, 剛下班, 佢問我是否來旅遊, 想幫吓我, 我就話比佢聽想去岳庙, 她就話岳庙沒什麼好玩教我去其他地方, 坐完K7再轉K27到龍井, 途經雙峰, 可以買絲棉被, 到龍井村原山路行上山見去九溪煙树, 下山後到雷峰塔, 坐船到三潭印月, 回程在湖濱碼頭上船, 行商業街........聽上去好係幾好, 就跟佢咁行.

轉車時又遇到另一個亞姨, 原本她住龍井村, 下車後同我走了一段路

又帶我去一戶人家........"龍井問茶", 龍井茶分明前龍井同明後龍井, 明前比明後香, 由四佰至五佰幾蚊一斤.........都幾貴, 但原來回到清河坊再睇, 靚龍井真係要咁貴, 早知就買反少少啦!!!!!!
飲完茶無買就走, 佢哋都幾好人, 唔會強迫你買.

開始上山, 沿途好少人, 問人大約要行半小時, 其實都唔止, 全個山都係種茶, 茶園處處, 沿途有樹蔭又有溪水, 行得都好舒服.

九溪十八澗

跟住行去公車站, 行了很久都唔見, 見到有的士就上車直接去雷峰塔, 原本轉多兩個灣就到公車站, 不過坐的士都係20蚊, 又唔洗等車, 值........
去到雷峰塔......這裡就是西湖十景之一 "雷峰夕照 ", 上塔要比錢..........怕時間唔夠無上

去隔離碼頭坐船去三潭印月, 45蚊包船票同上島門票.

 

 

三潭印月好多人..........

 

 

 

三譚印月無餐廳, 只有小食店.......就試吓西湖藕粉, 味道都OK, 但唔算好食, 所以手信無佢份.........

行完再坐船回市區

已經4點都未食  lunch, 隨便入一間舖頭食, 日本拉麵加檸茶都係RMB12..........低.

食完本來想行商業行, 但杭州真係好大, 一條街都行好久, 又見唔到什麼舖頭, 不如打的回酒店沖涼再去睇印象西湖.

6點幾再坐的士去岳庙, 對面就係印象西湖演出場地, 這個演出是大導演張藝謀創作, 日本大師喜多郎作曲, 西湖實景..........

7點45分第一場, 票價RMB250........只係1小時節目都幾貴, 但睇完之後覺得是值得一看.........無論視覺聽覺都比你超值响受.

水上舞台, 五彩燈光影照西湖, 又用高科技手法再造"西湖雨".
故事是民間傳說, 一些相愛又不能愛的故事.................

睇定就坐的士回酒店.

Day 2 完............明天去上海..................