29/3/2011 Day 5 : 台中

29/3/2011  Day 5 : 台中

以下價錢全為台幣, 張所有價錢除3.723就係港幣

Last day in 台中, 今日book 咗10點要去學做太陽餅, 9:30 check-out, 友人7:45打來問有無興趣出去搵啲地道早餐食吓, 當然有啦, 同佢哋去旅行真係好, 因為佢哋都係玩得好認真的人, 那那聲起身8:00係Lobby等.

出發搵食, 好有日本 feel

又經過家樂福

行呀行呀, 搵唔到吸引的, 最後找到這擋, 叫咗個綜合湯, 炒米同肉燥飯……都係120蚊.  見到當地人早餐都叫一個飯同一個湯, 似乎我哋叫得太少, 但無法啦仲有酒店早餐未食嗎!!!

食完反酒店再食少少嘢, 今日好好天, 點解係阿里山唔係咁? 一完係想我再來一次吧.....

準時9:30 check-out, 行去九個太陽做太陽餅 150一個人, 四人就可以 book

全副武裝

材料

完成品…….等師傅焗好就可以攞走

影吓工場先

做完11點好早, 去邊好? 台中有美術館但友人不大興趣, 因此決定分頭行事, 美術館的美術館…….行公司的行公司……約好1:00在Sogo等.

台中美術館都幾大, 今日有三個展覽

繪本花園……兒童書插圖展, 台灣人都好有有文化氣息, 睇佢哋出版啲書就知, 插圖全部都好靚, 可惜唔可以影相!!!!!!!

國美無雙…….館藏精品常設展, 展出的晝都好靚, 有提供語音導覽, 仲有場刊, 可以慢慢覲賞研究每個作品

威尼斯建築雙年展…….一些新穎的建築同設計, 例如展示了新竹車站的設計…..

行完三個展覽都12:15 要出發去廣三 Sogo集合, 美術館外有好多雕刻.

這個主題是 Family, I like this.......

遊戲

行咗20分鐘先至行到勤美誠品, 入去睇睇, 好鍾意這個綠化建築.

發現有 Mister Donut 朋友好鍾意食, 決定同佢哋集合之後再回來這裡吃 Donut.

今日午餐……Mr. Donut…….

好可愛呀......45台幣......

仲買咗盒返香港, mini 版好可愛, 都係55蚊, 阿女都好鍾意佢…….

食完再坐的士返美術館對面, 那裡有間叫 “日出、大地”的舖頭, 好靚的房子.

佢哋啲 cheese cake同鳳梨酥好好味, packing 好靚好有心思, 土鳳梨鳳梨酥比較酸, 17號鳳梨鳳梨酥比較甜, 兩種都好足料, 食到一絲絲的鳳梨, 個皮又鬆化…….好味…每種要咗一盒, 基本比其他舖頭貴差不多一倍, 又試食咗南棗合桃糕……好香南棗味, 肉鬆牛軋糖……. 牛軋糖加肉鬆出其的好味, 不過真係幾貴, 一盒要400台幣, 所以同朋友 share, 每人半盒……., cheese cake 都好正, 試食完都好想買, 但由於要冷藏, 包裝起來太大盒好難攞, 下次買咗立即食吧.

買完坐的士返九個太陽攞太陽餅, 的士110元, 自製太陽餅出爐.

再買少少太陽餅回去做手信吧.

太陽餅原來都可以用來做嫁女餅...........

要買的都買齊, 行返酒店攞行理去機場, 由於行理太多, 四個人3個唿4袋3個背郎, 要大車先放得曬, 先發覺要佢的時間就唔見, 等咗15分鐘最後要去的士站簡車, 司機真會做生意, 見我哋要大車開價600去機場, 最後550成交.

滿載而歸, 來的時候只有半個唿.......

4:45到機場立即check-in 見唔到check-in counter, 原來就係個普通柜枱,

check-in 完再過隔離寄行理, 再上二樓候機室.

5天行程完滿結束, 計劃好的都順利完成, 只可惜落雨睇唔到日出, 明年櫻花時候再來吧…….