首爾自由行 - 美食篇

首爾自由行 - 美食篇

以做評級 5個......不可不吃, 1個可以不吃

早餐篇 :

issca 三文治 ......好味 1600W - 2600W 不等 

韓式紫菜卷  1500W 一條 多料又飽肚.....

由於好多日朝早都落雨, 所以多數都係十一二點先出門, 朝早多數係係民宿煮麵食, 韓國即食麵真係好食好得, 加片芝士仲正........

午餐篇:

鷿粱津水產市場

必食的, 海鮮即買即煮好味又新鮮, 價錢相當合理, 今次買的海鮮價錢如下:

蟹 - 25000W 1kg.......我哋隻蟹係40000W、比目魚 - 20000W 1kg.......我哋條魚係22000W.......起肉做刺生, 頭骨煮湯、鮑魚兩種 20000W 7隻(蒸) 同 10000W 2隻(刺生)、扇貝 10000W 8隻(蒸)、八爪魚 10000W 4隻(刺生), 餐廳煮料費 39000W, 合共151000W 7個人每人唔洗 HK$160............

南大門石鍋伴飯

舊年食過覺得好食過明洞所以今次又去食, 7000W一個飯, 平過明洞, 味道都OK架.

土谷村 - 參雞湯 ........

今年又加價 15000W 一個, 但真係好多人食,  啲湯奶白色, 真係好好味, 下次再來首爾都會再食.

惠化站

行完駱山公園往惠化地鐵站時經過這間餐廳, 魚卵伴飯 5000W 泡菜湯飯 6000W, 泡菜湯好辣但伴飯就好好味, 有少少飯焦......又低食又好味, 其實大學區食市真係平好多, 而且一啲都唔差架.

明洞 - 水冷麵

已經叫咗唔辣但出到囄都好辣(辣的D湯係紅色), 亞囡個同學都食唔倒, 下次要攞走啲辣醬先食, 但除咗辣之外啲麵都幾好食, 中間件肉又好好味, 4 人餐都係27000W. 

two two 雞

係KBS 電視台隔離食, 叫咗兩碟雞唔同味, 覺得無醬好味啲, 無醬15000W 有醬16000W, 好好味...........四個人唔係好夠食.

晚餐篇:

明洞 - 農家菜

這餐係到首爾的第一餐, 食傳統韓國農家菜, 前菜有廿幾碟, 上菜時大家都嘩!嘩!嘩!, 以人頭計5000W一個人, 前菜有飯同有湯, 主菜點咗兩個, 雞煲 20000W 好大煲, 牛肉煲 10000W, 4個人叫兩個主菜都食唔曬, 今餐埋單 50000W 每人都係 HK$90 都算低食.  這間飯店好易搵, 係明洞世宗酒店後一條街.

新村 - 姜虎東烤肉

新村好多嘢食, 去這間係因為明星開, 亞囡啲同學有睇佢主持節目, 算做追星, 食物ok 好味, 烤蛋比較特別, shake shake 飯就好好食, 但service 就麻麻, 叫咗4個肉2個shake shake 飯埋單50600W

惠化站 - 烤肉店

惠化係大學區食市都好平, 今次食烤肉, 雖然平但一啲都唔差, 牛肉超好味, 五花肉都好正, 泡菜湯飯唔辣有啲似羅宋湯, service 仲一流, 幫我哋加泡菜, 見生菜差唔多食曬又幫我哋加, 又主動幫我哋影相, 直頭係5星級烤肉, 4 個肉加個泡菜湯飯同3個白飯, 埋單都係42000W

新村 - 炒辣雞

4 人份量加麵、芝士同兩個飯......36400W, 好食.......

新村 - 燒海鮮

海鮮加芝士都幾好味, 其他就一般, 但個餐四個人唔係好夠, total 埋單 55000W, 但應該唔會再囄食.

神仙雪濃湯

4個雪濃湯加餃子 36000W, 雪濃湯即係牛骨湯, 韓國人好鐘意食辣, 這餐係比較清淡的一餐.

明洞 - 牛內臟

56000W 唔推介, 又貴又唔好食........

下午茶 / 小食

安國站 -年糕鍋

這餐4個人都話好食, 雖然辣但可以接受, 湯低同年糕再加芝士好好味, 由期最後個抄飯, 好食到不得了, 唔怪之得咁多人排隊, 今餐埋單 15000W.

Dunkin Donuts

好可愛的 Donuts 波波, 亞囡致愛......20450W

三清洞 - 街邊小食

魚條好味, 燒年糕外脆內軟幾特別, 其他兩個都ok 好味......total 7000W

樂天 Mart - Food court

ok架 .......... 8900W

Smoothie King

又係亞囡致愛, 真係幾好飲, 不過其實都幾貴 ..... 中杯5500W 要 $40

今餐係宵夜, 又係 Donuts 同魚條, 都話亞囡致愛......明洞 Donuts 有9折 5850W 魚條 2000W 香蕉奶之前係 homeplus 買的.

街邊小食........1000W 不過麻麻

yogurt 9270W 已經有9折, 香港應該平啲

韓國氣水......1500W 一支

蛋糕仔.......正.......裡面係吉士......好味 3000W

薯條腸 ......2000W.......好味

雪條.....400W一條 $3.00都唔洗

弘大 - 雪糕夾餅

1000W 一件, 買咗兩件一開二, 好睇吓幾多雪糕....好味.

超市買的雪條, 由於買一送一, 所以買的試吓, 唔錯............好西瓜味, 啲核係朱古力豆黎架

其他無超市買的什糧, 人多去幾好, 想食就可以買, 樣樣都可以試.....