首爾自由行 day 2

首爾自由行 day 2............25/6/2011

今日約咗亞妹同事一齊去海鮮市場食海鮮, 其實之前都唔認識對方, 由於亞妹同佢講我同亞囡會係差唔多時候大家都會去首爾旅行, 可以交換吓行程, 仲約咗一齊食嘢, 又可以識多個朋友真係開心, 其實除咗佢哋仲有個舊同事都係同一時間去首爾, 今日仲係明洞地鐵撞倒佢, 真係可以話世界真細少少少..............

一早起身煮啲韓國麵食先, 佢哋啲即食麵真係比香港啲麵好食好多.

10:30 出發去魚市場, 今日天氣唔好仲落雨...............之後其實每日都落雨, 真係貴人出門.............

地鐵一出行過這條橋就係魚市場

可以望到63大廈

魚市場入口

好大個市場

今次專登搵反上年幫陳過個女人買蟹, 原本佢轉咗檔口, 今次開價貴好多, 其實沿途都有問價, 普遍同舊年都一樣, 都係25000W 1kg, 但佢好似要3萬幾 1kg, 本來唔同佢買, 但佢又唔放我哋走, 最後佢都自動減價, 兩隻蟹一隻35000W一隻40000W, 我哋要咗隻大40000W, 仲買咗鮑魚 10000W 3隻, 我哋7個人20000W叫佢比多隻佢又ok, 加咗2隻大啲的鮑魚10000W 2隻做刺生, 仲買咗10000W 4隻的八爪魚, 10000W 8隻的扇貝...............其實之前見啲網友話這裡啲蟹好貴, 要盛6-7萬WON一隻, 但其實都唔係, 買之前問過幾檔價錢都差不多, 有檔仲賣到好平40000W 比3隻蟹比我哋......當然細隻好多, 怕無肉食, 所以最後都係同近之前買過的買, 好似老實啲咁.................... 

7 個人好似唔係好夠食, 所以加多條魚做刺生, 啲骨仲可以做湯, 上年都好想食, 但由於只係兩個人食唔到, 所以多啲人好啲可以食多啲嘢, 條魚22000W, (20000W 1 kg)

立即起肉做刺生

買完之後去反上年食過的食店, 又係比較老實, 人頭費每人2000W, 煮工每種5000W 做湯就 10000W 刺生不收費, total 7個人 39000W.......低........

刺生類

蒸煮類......店員好體貼, 見我哋人多每種食物都分兩碟上

主角出場.......其實7個人 1 隻蟹真係唔係好夠食, 早知要埋3萬幾個隻蟹......

total 海鮮加煮工 151000W 7個人每人HK$160都唔洗真係......低!低!低!

食完就出發去弘大, 今日星期六弘大有跳蚤市場, 不過一行出魚市場就落好大雨, 睇囄跳蚤市場都唔會開, 但都係跟原定計劃去行一行.

一出地鐵站好大雨, 見到上年行過的屈臣氏入去行吓先, 亞妹啲同事唔行屈臣氏咁大家就分手, 亞囡要入去買 mask(又係同學仔 order), 啲 mask 仲係500W 一片仲買一送一, 係明洞都係買一送一但要900W一片, total 我哋4個人買咗過百片 mask, 有啲 mask 萬寧賣盛HK$22一片, 首爾都係買1800W一片維HK$13, 所以少女們都狂掃十幾片.

我同亞女的............fibre-mini 都好平好似維港紙3個幾一支.

買完仲係落雨又好大風, 就去 Dunkin Donuts 坐吓食個 tea

啲波波 Donuts 好得意又好味, 一筒大好似係7仟幾 WON, 加 4 杯飲品total 20450W.

食完細雨咗少少, 行去 information 攞張地圖, 問埋跳蚤市場點去(佢都話落雨唔開!!!!), 但都要去睇睇

經過弘大入去搵吓厠所

弘大好似無梨大咁大又無梨大咁靚.............

見到網友推介 ice-cream waffle 買件食吓先, 4 個人叫咗兩件, 老闆娘好好人幫我哋一開二, 4個人一人一件, 真係好好味, 每件有4-5球雪糕, waffle 即叫即做.....好脆, 都係1000W一件, 真係不吃不可.............

唔同顏色的雪糕係唔同味道的

跳蚤市場真係無開!!!!! 下次有機會來首爾再睇吧!!!!!!

韓國應該有好多藝術家, 你睇四維都係壁畫............

路邊小食檔, 好想食.....但今日實在食咗好多嘢, 下次吧.........

弘大係大學區好多時款嘢買, 少女們一見到1000W精品又狂掃.........有飾物、頭飾仲有公仔襪.

行完弘大就坐二個站地鐵去新村食飯, 由於時間上早, 先去1000W店行吓, 新村站8號出口向前行2-3個行口就有間, 不過都唔係好多嘢買, 因為這間鋪好細, 啲嘢放得又亂, 台灣比較好行同多啲嘢賣, 買咗個夾棉文件袋2000W用來放相機.

行完去食姜虎東烤肉, 落好大雨又唔識路, 最後終於搵到, 之後幾日都有去新村食嘢, 行到好熟, 會係商場出口出, 落雨都唔洗行得咁辛苦.

網友推介姜虎東烤肉, 叫咗4個肉2個shake shake 飯 total 50600W, 唔算貴但唔覺特別好食 (之後去惠化食烤肉好味啲, 又平service又好), 下次離首爾都應該唔會再encore.

佢哋的特色烤雞蛋.........好味, 但我哋四個人好快食曬, 見waiter加蛋比隔離幾枱啲韓國人, 咁以維叫佢加, 點知佢哋話得一次 (only one)? 又無話要加錢, 咁點解佢哋加比其他幾枱客???? 可惜唔識講韓文, 唔係一定問吓佢!!!!!!!!!

shake shake 飯好味

是日宵夜........昨晚買的雪條, 外型靚又好味............真係西瓜味, 啲核係朱古力豆.

Day 2 完...................