首爾自由行 day 7

首爾自由行 day 7..........30/6/2011

是日早餐.....韓式紫菜壽司 Kimpak (kim係紫菜而 pak就係飯) - 3000W 兩大條仲送魚蛋湯, 韓劇經常見人食, 裡面全部都係蔬菜好好味架.

出發往大學路 - 今日行程....大學路、駱山公園、亞囡佢哋會去追星而我就去大漢門、中藥市場、中央市場、東大門最後返明洞.

第一站 : 大學路 - 地鐵惠化站2號出口

行去駱山公園公共藝術區

上山......往駱山公園......都幾鈄

沿途都有好多壁畫

上到駱山公園

行上山好熱, 見到有士多買支雪條食吓先.......400W一支 = $3.00 好平喎

再行一陣就落山, 亞囡要去下場

好多糕點

午餐......昨晚係惠化想食魚卵伴飯佢哋賣曬, 依道有就試吓, "唔該....3個魚卵伴飯, 1個泡菜湯飯" 魚卵伴飯好味但泡菜湯飯就好辣, 今餐好平.....伴飯 5000W 湯飯都係 6000W, total 食咗 21000W, 大學區比旅遊區平好多.

同少女們分手後又開始落雨, 本來想去大漢門但應該無出遊, 都係無好浪費時間, 直接去際基洞中藥市場, 地鐵裡面已有明確指示去中藥市場.

好多蒜頭......15000W一大堆?????

到藥令市場

這裡買嘢唔係計重量, 而係一兜兜買, 所以係3500W一兜

好多人參

人參 12000W 300g 我都買咗300g 

辣魚卵......見人比錢好似20000W一大樽, 又好似幾低

仲買咗紅棗, 佢哋啲紅棗好大粒......4000W 一兜

西瓜好貴10000W 一個

買完嘢就出發去中部市場 - 乙支路四街 7 號出口

又有辣魚卵, 老闆娘仲比我試食......幾好味喎.....

行咗一陣買咗啲整泡菜的辣椒粉、小魚干、紅參軟糖......話說: 一入中部市場見有買糖果檔, 例必問價, 好紅參軟糖3000W 行完回頭再買, 行完返檔口唔見老闆只見老闆娘, 就攞包糖同5000W 比佢, 佢就找反2500W 比我, 會程一句說話都無同佢講, 原本之前老闆見我係遊客買貴啲, 真係唔老實, 以後買嘢都要辨韓國人.

由於好近東大門所以行去行吓, 但買咗好多嘢好重無心機行, 都係返民宿放低啲嘢先, 回民宿休息咗一陣就去明洞, 上次都無去Duty free行過, 所以行去樂天百貨9-10/F Duty free行吓, 這裡以美金結算, 計落比係街舖平, Etude House 珍珠BB cream shop 買 13000W = HK$95.20 這裡買 US$11 = HK$87.5, 雪花秀買3件先有9折, 套裝就85折.....好貴一套盛 $2000 唔寫得買, 其他有啲都平, 可惜之前買曬, 下次要上囄睇吓先, 這裡唔洗退稅咁麻煩, 但唔好處係 shop 真係多啲嘢賣........

之後同亞囡會合, 佢哋睇唔到 M Countdown, 原本要前一晚去排隊!!!!!!

是日晚餐: 去咗民宿附近食, 以為是豬腸原本係牛腸........都幾貴, 食咗56000W 佢仲要收service charges 10% 好似見我哋遊客有啲搵笨, 因為7日以來都未收過 service charge, 這間仲係細舖仔竟然 Menu on top 加 10%??? 牛肝原本係生食, 試咗兩件, 三日後肚痾, 痾咗一個星期, 亞囡個同學都係咁, 都唔知係唔係因為佢?  

牛內臟

其實一般, 可以不試.........

藥令市場同中部市場買的........人參 11000W 有8條, 魚干 5000W一兜....老豆整過幾好味, 紅棗4000W 好大粒, 紅參糖 2500W, 辣椒粉兩包, 一包1kg 10000W, 另一包係專買辣椒粉舖頭買, 500g 10000W唔知係唔係好味啲? 定係見我遊客賣貴啲??? 仲有一包小食....好脆幾好味 2000W

shopping bag 10000W

今次買咗五件 T-shirt, 兩件是我的其他比亞妹同細佬女友

公仔襪.....手信......

Day 7 完..............