行山樂 - 西貢萬宜水庫

好友 Ruby 又有好介紹, 佢有朋友帶隊行萬宜水庫參觀地質公園, 問我有無興趣?  當然有啦, 難得有人帶隧, 而且上次船河遊地質公園覺得真系好靚, 今次可以唔同角度近距離觀看, 一定唔可以錯過啦.

今日天氣唔錯, 有陽光又唔太熱, 都幾適合行山.

10點西貢碼頭集合, 一行16人10:15 出發, 坐 94 號巴士到上窰, 差不多 10:45 由麥理浩徑起步.

行咗十幾分鐘帶隊 Ronald 大叫 "到喇" 團友疑口同聲話 "咁快"?  原來未講完.....系 "到喇, 起點...." 依家先開始行萬宜水庫, 我哋向浪茄方向行, 會先到萬宜西壩再到東壩, 但今次唔會行去浪茄.

見到萬宜水庫

我哋今次的終點系東壩, 箭咀指的地方, "嘩" 咁遠? 要行過好幾個山頭咁喎! 努力, 加油!

沿途風景真係好靚, 大家不停拍照, 各位欣賞一吓........

終點在望

真系唔好話外國風景靚, 其實香港一啲都唔差......

12點幾到達西壩

雲海.......

休息片刻再往東壩

倒影.......

終點東壩

破邊洲

六角柱石

東壩地質公園真系好靚, 有人專程來影結婚相

3 點半開始離開, 兵分兩路, 想行回頭路就跟 Ronald, 唔行的就等的士, 我哋當然系唔行啦, 已經行咗3個幾鐘先入到囄, 沿路行番出去唔停留都應該要兩個幾鐘掛, 唔好喇! 體力有限...........不過等的士有幾十人, 只好 call 車, 都 call 咗好幾次先有車仲要加 20 蚊先有司機覆, 不過都好低, 司機要吉車入囄加錢都好應該, 由萬宜東壩到西貢碼頭睇標都係 $110, 5 個人 total $130, 唔洗行兩個幾鐘你話系唔系好低, 出到西貢4點幾 , 番到屋企都系5點幾.

後感:  地質公園世界聞名, 一直都想去睇吓, 可惜唔識路又無人帶, 今次仲可以行埋萬宜水庫, 好值得, 香港其實有好多好靚的地方, 我一直都好少行反而往外國走, 非常感謝好友 Ruby 的好介紹同相伴, 等我可以睇到如此美景, 希望好快又可以再出動........