杭州/上海..........酷熱世博之旅 Day 4

杭州/上海..........酷熱世博之旅 Day 4

日期: 2010年8月12日

行程: 上海 - 世博

昨晚11點先反到酒店, 再同屋企人上吓 Skype, 食吓宵夜 (七寶鎮買的羊肉), 點幾鐘先瞓, 所以今朝8點幾先起身, 食完早餐差不多9點幾先出發去世博, 今日用2號門入, 因為想先去E片區.........

先坐兩個地鐵站由老西門到西藏南路, 這間酒店各方面都一般, 但地利真是無敵, 好快就到購票處, 差不多10點都無人排隊, 好順利買完飛再安檢十幾分鐘就入到場, 唔明點解啲人晨咁早來排隊, 未入場已經消耗曬啲體力.............

其實會場好大, 入場後仲要行好遠先見到巴士站, 再坐車去E片區, 今日早上的目標是城市實踐區, 攞西班牙館同丹麥館免排隊的蓋章, 而且好多人都話除國家館外好多館都係可以直入, E片區好多聯合案例館, 全部都唔洗排隊, 出面咁熱炭吓冷氣一流..........

好靚女的志願者

全部案例都展示自己國家的圖片、人民生活、文化特色等等...........

北京案例 - 國奧村

奧運吉祥物

環保概念 - 淨水系統

開幕表演樂器...........好難忘.................

香港案例 - 展示香港圖片

大阪案例

短片介紹大阪古代到現在

法國案例

杭州案例

蘇州案例

主題館之一 : 城市未來館

都只係排咗10分鐘倒, 個館好大, 好多嘢睇.........已經好快咁行都差唔多行咗盛個鐘, 其實唔洗一定去啲大排長龍的熱門館, 這些主題館可觀性什高, 又唔洗排隊........不可不看..........

其實主題館真係幾多嘢睇, 都唔洗一定要排幾個鐘睇啲大館.

各個對未來唔同概念的

未來都係以環保為主

食咗 Lunch 再行........鮮茄牛肉飯.......單點19.50.......平.........味道唔錯.......推介........

德國案例館 - 漢堡之家 .............. 排咗十幾分鐘, 第二淪就入到去, 以低碳生活為基礎興建之房屋.............有專人講解...........

全屋以水流行溫, 出面雖然38度, 屋內一啲都唔熱, 唔雖要開冷氣..............這點要親身體驗............

太陽能收集板

馬得理案例館

其實仲想去上海案例館、溫哥華案例館同澳門案例館, 不過已經一點幾要去其他區睇吓, 去坐巴士到D片區.

歐登塞案例館.......記得蓋章, 丹麥館唔洗排隊.......

環保淨水系統

38度高溫遊世博

行完坐巴士去可口可樂館, 要排3個半鐘, 其實無淋住睇只係想買啲紀念版可樂比細佬.

任務完成.....一套四個紀念鋁樽都係RMB120......平平平, 如果係美國要雙倍價錢, 紀念版可樂 RMB10.......

國家電網館...........都十幾分鐘就入得去..............

360度影片

韓國企業館

有朱古力同環保袋送.........都係見到好多人攞住個樂天環保袋, 所以就去睇吓.........都係排咗十幾分鐘

 

有朱古力同環保袋做紀念品, 個館都OK.

有好多互動遊戲

可以影張相放在屏幕上.........好有趣.........

行完韓國企業館又想去日本企業館, 點知無開, 有啲失望.

主題館之一 : 城市足跡館

這個館觀賞性什高. 排隊排得好快15-20分鐘就可以入場, ................各個國家民族之起源、歷史同文化, 有好多國家博物館收藏展出, 可惜唔可以影相.........

行完之後坐船去C片區, 好想睇吓非洲聯合館

都開始天黑..........黃昏黃埔江........

到非洲區.......好想睇吓非洲聯合館.

再去參觀西班牙館, 去到到好多人排隊, 好在今朝在世博戶照上蓋了三個案例館章, 可以行特別通道, 唔洗排隊.

有西班牙女郎跳舞.........太黑影唔倒........

巨人BB......全館焦點所在......

行定西班牙館好累, 對腳好係唔係自己咁, 行咗盛日, 好在中間時間有在各場館坐吓…..睇吓短片……

丹麥館....有歐登塞蓋章又係唔洗排隊, 不過個館無冷氣......熱死人......., 個館沒什麼好睇, 焦點只在美人魚像...............

行完丹麥館, 對腳好似唔係自己咁, 但都係只係8點幾, 走又好可惜, 再去排法國館, 又排咗20分鐘就入到去........這個是我在世博最後參觀的展館.

入到場館好舒服, 有綠化裝飾又有噴泉..........

行完法國館都9點多, 德國館就係對面…….考慮排德國館定係去A區睇吓, 最後都係坐車去A區睇吓中國聯合館仲可唔可以入, 可惜去到已經關咗門…………

本來想走但好似十點在慶典廣場有音樂噴泉表演, 原本都行幾遠…….

睇完沿世博軸行去7號出口, 經過昨日買戶照的紀念品店買咗幾個鎖匙扣(今日行幾間都見唔到)……會場裡四維都有紀念品店但應該有幾個集團, 因為間間紀念品都有啲唔同……….

是日宵夜........都要3拾幾蚊........