杭州/上海..........酷熱世博之旅 Day 6

杭州/上海..........酷熱世博之旅 Day 6

日期: 8月14日

行程: 杭州 - 杭州萬象城溜冰場/清河坊/蘇堤/斷橋

今日行程全部以 relex 為主, 食完早餐後先去溜冰場探吓細佬班, 囄咗咁多日都無去睇過佢好似唔係幾好, 用咗大會工作證坐大會接駁巴士到杭州萬象城, 同香港萬象城差不多, 同是太古集團發展, 首先去溜冰場探吓班, 今早是BB組比賽, 小朋友都好可愛........

這個妹妹是同我同一堂區的, 在杭州都遇到, 真巧...........不過太多人無同佢打招呼.

到 lunch 時間叫細佬同我食飯, 如果唔係佢應該唔洗食.........來杭州必食 "外婆家"

麻婆豆腐.....估吓幾錢......3蚊雞......平到你唔信....

鮮茄煮魚.......好味.......

這個綠茶芋餅........正......不可不吃

兩個人叫咗7樣餸3個飲品.......當然食唔曬, 打包比細佬啲同事食......

食完 lunch 就回酒店換衫,再去清河坊行吓買手信.

今日好熱, 好似話有39度, 真係曬死人, 就算入到舖頭開咗冷氣都唔覺得涼, 無心機行..........

武大郎燒餅

即炒龍井荼

回春堂.......好大間藥房同中醫院, 好多人執藥同睇醫生, 仲有免費涼茶比你飲, 不過係熱的........

買咗啲龍井茶就走........向西湖出發, 見啲 blog 友話由清河坊行去西湖好近, 但可能天氣太熱好似行咗好內都未到, 有啲暈........立即入間便利店買嘢飲, 店員見我外地人, 問我係唔係好熱, 叫我行去冷氣位坐吓休息一陣先再行..........杭州人都好 nice........

終於行到西湖, 入面是好大個公園, 無行........坐巴士去蘇堤........

到蘇堤.......超多人.........

行咗一陣又坐巴士去斷橋.......巴士坐咗好內途徑靈隱寺, 可惜無時間, 如果唔係可以去行吓.......

斷橋係西湖十景之一, 又係好多人, 不過好靚.........

影完相就坐的士回酒店沖涼再去Holiday Inn 同細佬食飯.......比賽完有慶功.........