首爾自由行 day 3

首爾自由行 day 3.............26/6/2011

今日星期日, 又落大雨, 原來韓國有颱風!!!!!!! 12:00先出門, 第一站去士谷村食參雞湯, 舊年食過一直都念念不忘, 仲以維星期日又落雨會無人食, 但你睇多人到!!!!! 仲有好多人囄緊...............不過都排得好快好似廿幾分鐘就有位......... 

舊式韓屋

加咗價......舊年14000W 今年加到15000W

好好味的泡菜

主角出場

好大條人參

食完終於無落雨, 要去士谷村好簡單, 地鐵景福宮站2號出口直行見到 GS25 轉左就到..........

食完行反地鐵去景福宮, 今次無入去......舊年去過嗎

係外圍影吓相

由光化門出...........後面就係景福宮.......

原來一出光化門就係光化門廣場, 見到世宗像嗎???

世宗像

忠武像

再行去清溪村

影完清溪村再行反去世宗紀念館行吓

好靚的藝術品

世宗紀念館係免費參觀

亞囡專登去參觀係因為 running man 其中一集係倒做過.......算係追星.......

有香港攝製隊拍嘢, 點知係香港攝製隊??? 聽到佢哋講廣東話嗎......

玩咗一個鐘開始出發去安國站食 tea ......年糕鍋......., 本來想坐地鐵, 但好似好近咁, 最後都係行過去, 我哋行反去景福宮, 經過博物館過對面馬路, 再行前少少就見到這間韓屋就轉右.

再一直行........見到這個路口又轉右..........

再直行見到Family Mart同天橋, 就係 Family Mart 側邊條巷入去就係.......

見到好多人排隊........咁我哋又排, 大約排咗廿幾三十分鐘就有得食......

少少店舖都上過好多電視同雜誌

年糕鍋到, 四個人最少要點3款, 我哋要咗海鮮、芝士同部隊鍋, 再加咗個冬粉同抄飯, 其實個鍋都係咁大, 只係啲料多啲, 真係好好好好味, 四個人一鍋有啲唔係好夠咁, 好努力咁食, 食到咁上吓服務員會張個鍋收走

攞反出囄時已經炒好咗個飯, 個飯仲好味.....有紫菜同粟米.......早知咁好食要多兩個飯啦, 今餐盛為15000W......HK$110 低食.......所以點解咁多人排隊啦......

食完行三清洞

啲 coffee shop 好靚, 可惜剛剛食完嘢唔係一定要試吓

行吓行吓見到個小食檔, 唔洗坐街.....落雨嗎!!!!!  就入去試吓

點咗四樣嘢都只係7000W, 魚條好好味, 黑色的腸裡面原來係米粉囄......一般一般, 炸物幾好, 年糕都ok.

行完三清洞就往安國站行

到仁寺洞已經開始天黑.......8點!!!!! 要行反去光化門, 今朝問過光化門啲職員話8點開始每30分鐘有噴水, 到9點為止.

見到個地標.....今朝係光化門見這坐建築物係左邊, 依家係右邊, 咁我哋就向這個方向行過去就係, 行咗十幾分鐘.......

終於見到世宗像, 開始等.........

都差不多9點, 但有啲唔對路, 地下咁乾之前唔似噴過水, 但無所為啦行咗咁多路當休息吓, 點知又開始落雨!!!!!! 到9點都無動靜..........去清溪村吧!!!!!!!

清溪村夜景, 好大雨呀!!!!!!!!

之後去新村食海鮮燒烤, 又係大雨到不得了, 又搵咗幾條街先搵到 去到都10點, 店員話四個人要個特大餐.......55000W

這個就係特大餐......好似唔係好大喎??? 見到隔離2個人都係差唔多人哋仲有個湯??? 所以食完唔係好飽咁..........

最後仲有4隻蝦.......

食到10:15拿拿聲埋單走怕無地鐵, 但點知去到東大門轉車時真係無車去明洞!!!!!!  維有上去坐的士, 見網上啲人講12:00後啲的士會開天剎價(有啲人試過由首爾站去明洞坐咗幾萬Won 都未到, 最後要叫司機停車).......有啲驚, Hello apm 門口好多的士, 但我哋要坐白色的士, 唔敢坐其他顏色, 最後都無驚無險 5000W 坐到明洞, 但由於司機唔識路又行上路(明明有GPS都唔知點解唔用?) ......差啲上咗南山, 所以係民宿附近放低我哋 我搵咗一陣先搵到間民宿, 返到去都差不多1:00.

Day 3 完.............