首爾自由行 day 4..........27/6/2011
今日又落雨!!!!!! 是日早餐 Issca 三文治, 好好味架.....一定要試
煎蛋係基本再加其他料.....啲醬汁好好味
4件 total 9600W........我哋簡咗啲最貴.....2千幾Won 一件 (好多料), 如果 ham only 只係 1600W
跟住坐地鐵去南大門買啲手信同食 Lunch
好想試但剛剛食完早餐
咁樣搬貨........
好大個泳池小朋友一定好開心
沙鎚比亞妹個BB 1500W
街頭表現
去反舊年食過的飯店食 Lunch.........石鍋伴飯4個 7000W一個
食完行多一陣就走, 本來想係韓國買啲BB衫比亞妹個B, 但一啲都唔平, 行咗兩座轉賣兒童服的商場, 都簡唔到嘢, 平......但唔靚, 靚......但好貴!!!!!!
落地鐵去梨大, 見到買小食的 (好似台灣買那種) 就買啲試吓, 太糯又唔甜又唔係咸........唔好食........
梨大 shopping
首先去咗 Etude House 買嘢, 亞囡話梨大多啲 Sample, 咁又買咗十幾萬.
見無落雨快啲去梨大影兩張相
三個美少女幾開心跑到幾遠.......
原本梨大有間博物館.....免費.....入去睇吓借吓廁所
本來想行上去睇吓, 但又開始落雨, 走罷.....
地標......一定要影.........
上年係道買好多T-shirt, 但今年啲款唔靚無買什麼, 到5點幾行去新村食炒辣雞, 去新村只係一個站, 唔洗坐車一直向前行就係, 見到街尾教堂嗎??? 差不多就到....
途經1000W 店, 這間店靚好多好行好多
十幾分鐘就行到, 見到 outback steakhouse 就到咗新村.
仲見到姜虎東
新村炒辣雞
全部韓文......店員用少少普通話同英文同你點菜.......
"chicken.....four......芝士......noodle......." "yes.....yes.....yes.....yes......." 就係咁就點好菜.......
4 人份量......專人幫你炒唔洗你動手.....
首先食麵
再加芝士煮一陣
OK ......食得.......真係幾好味......
最後係炒飯......係面前炒架.....今次要咗兩個.....今餐 36400W
食飽飽反明洞 shopping
終於都無雨見返啲推車檔
去到 skin food 仲遇到上年幫佢買嘢個 Sales, 佢又認得我哋喎, 大家都好開心, 這位山東姑娘好好人, 佢仲比咗好多 sample 我哋.
掃完 skin food 就買宵夜回民宿......魚條+Donuts 7850W, 香蕉奶之前在 homeplus 買的
是日戰利品......
手信記得係南大門買, 一排十個電話繩買6000W 起至10000W 這排6000W 東大門全部12000W, BB 襪南大門2000W 明洞同東大門都係3000W
Day 4 完 .....................
石鍋伴飯間野係邊嫁?? 同埋坐咩車去嫁:-) thxxxx~~
回覆刪除[版主回覆07/28/2011 10:55:00]石鍋伴飯係南大門, 坐地鐵去會賢站就係南大門, 你會見到有一條食街, 好多食店, 我哋係一入食街左手面第一間食的, 佢地門口有好多sample 放係道, 你可以手指指就可以點菜.........
你好呀！我岩岩睇左你頭4日既遊記，唔得啦要停一停啦！消化唔到！哈哈~~
回覆刪除我1月會去呀好多行程上既野，我唔知點行好，睇完你個blog，我開左曉呀！
不過我得5日！好羡慕你可以玩8日呀~~
留返4日既行程聽日再睇！
BTW~你既遊記寫得好呀~我今次既行程，應該有9成，都會跟你架~~哈哈！！
好多謝你呀！！
[版主回覆12/09/2011 00:57:36]你好呀! 睇到你留言突然好懷念韓國之旅! 首爾真係幾好玩架, 所以上年去咗5天覺得唔係好夠, 今年要去夠8天, 但可惜今次天氣唔係咁好!
希望你睇完我個 blog 可以比到你有少少 idea 啦, 祝你1月去的時候一完要好天呀, 玩得開心啲!