由於唔想晨早四五點起身, 所以簡咗中12:40班機, 今日天氣唔好,上午紅色、黃色暴雨都出齊!!! 所以全部飛機都 delay, check-in 已知遲一個鐘。港龍仲送咗$75 coupon去食嘢.
餐券換咗“正斗”
餐券換咗“正斗”
鳳城水餃撈麵、牛腩湯麵同炸兩，麵太重皂水味，炸兩即做的就唔錯。
食完行咗一陣 duty free 又去候機室坐吓，又食咗少少嘢。
食完行咗一陣 duty free 又去候機室坐吓，又食咗少少嘢。
終於上機, 但係上咗機從要等咗一個鐘先起飛！機長話航空管制喎.......無奈！！！
最後5點先去到高雄，坐捷運去高雄車站，十分方便，人又唔多又快。
去到高雄車站行幾分鐘就到民宿，一出站就望到正忠排骨飯，民宿就係隔離。
途徑 “高雄旅遊達人網” 買咗明天屏東海生館門票同book車去海生館。海生館門票正價台幣450，這裡買390。
買完飛再行多一個街口就到民宿
今晚住的房間 – 歐式田園風情二人房......
樓中樓設計, 可惜這間房無窗所以電話上網接收比較差, 基本上手機上唔到網, 美中不足.......
樓中樓設計, 可惜這間房無窗所以電話上網接收比較差, 基本上手機上唔到網, 美中不足.......
Check-in完差不多6點，拿拿聲去台灣大哥大出張電話card上網先，由民宿行兩個街口就到，張card 500蚊，用咗350開5天上網plan，由開card計120小時任用流動數據，balance用來打電話，都幾低用。
出完就去新崛江行街，本來plan咗去野宴食日式燒烤，由於飛機delay咗兩個幾鐘，又掛住行街無去食。晚餐去瑞豐夜市食就算。
新崛江都幾多嘢睇, 第一日都行得好趕, 所以之後幾日都再行咗兩次
新崛江都幾多嘢睇, 第一日都行得好趕, 所以之後幾日都再行咗兩次
行咗兩個鍾出發去瑞豐夜市 (巨蛋站)
這裡有好多大排檔，好多本地人食，先order跟住有人找位置給你，每個檔口有自己的枱不能亂坐。
二人份量 160蚊，飯任食的,係自己先選材料, 佢地抄好送去你坐張枱
這是我們的二人份量, 真的太少, 看見隔離個女仔一人份量都係同我們一樣!!!!!
這是我們的二人份量, 真的太少, 看見隔離個女仔一人份量都係同我們一樣!!!!!
跟住去食牛排，好多人.......order完仲要等位........
order咗厚牛排130蚊，忌廉湯任飲……個湯好好味架……抄麵仲好好味......
食這兩檔都係因為好多人食，都好好味，但真係好多人同天氣真係好熱，食完出曬汗, 冬天囄應該仲好味啲……
食完行賣衫的檔口，但發覺新崛江啲嘢平啲又靚啲，係道亞妹只係買咗6對襪盛為100台幣
好多遊戲玩
好多遊戲玩
再行一陣買啲嘢飲…支裝鮮奶沖奶茶……又幾好味，本人唔飲牛奶但這杯奶茶茶味好香，奶味又唔重……好飲………
仲買咗鴨舌，雞腳同芭樂做宵夜
行到10點幾要回民宿，明天要7:30起身，9點book咗的士去海生館
今日買的……條裙285蚊，明天可以著條裙……背心恤衫都係340……幾十蚊港紙一件, 低.......
條裙幾靚,我女朋友都想去高雄買條裙，係新崛江買?
回覆刪除[版主回覆05/10/2012 00:58:24]係呀, 係新崛江買的, 仲有得試, 又平, 可以去睇吓.....
我月尾會去高雄travel, 想問下你係台灣買個個電話話$500係咪包埋$350 5日有限上限同$150打電話呀? 定話另外增值... thx~
回覆刪除[版主回覆05/29/2012 17:29:43]無錯係台幣$500 = HK$135左右, 我係台灣大哥大門市買的, 因為民宿行兩個街口就有間, 叫佢哋同我開埋上網, 記得要帶 passport, 高雄機場裡面都唔見有! 你上網check 吓附近邊道有門市啦, 除左台灣大哥大之外遠傳電信都有上網 card, 之前朋友都開過card, 價錢好似差不多, 你 check check........
[R回覆05/29/2012 13:30:05]係咪台幣$500???同埋邊度可以買呀?????
[版主回覆05/15/2012 14:44:51]500蚊已經包埋5日無限上網同打電話........
我24/7會響高雄入墾丁,都想學你嘅行程先去海生館....,但你係點樣包車?响'高雄旅遊達人網'一齊攪埋?包車要幾錢?thx
回覆刪除[版主回覆07/18/2012 15:44:46]無錯, 我係响'高雄旅遊達人網'一齊攪埋, 佢會問你住邊道係邊道接你, 你最好有電話比佢聯絡你, 車費台幣350一位, 是合乘制, 即係會有其他人同你一齊坐的, 唔係包車, 不過你同佢講去邊佢就會車你去邊, 我們坐的是的士, 當日有6位乘客, 希望可以幫到你.......